اسكندريه صد رد
كان بقالي شهرين بخطط لليوم دا والحمد لله مشي زي ما كنت عايزه واحسن
خدنا قطر من رمسيس طلع الساعه ٨ وصلنا الساعه ١١ ركبنا ميكروباص بحري ب ٢ جنيه وربع😅😅وصلنا الشيخ وفيق وانتوا مكدبتوش فعلا احلي رز بلبن كلته في حياتي😋 بعدين خدنا ميكروباص للقلعه كلنا هنا واتصورنا وكأننا بنصطاد وفي السوق اشكال كتير من القواقع والاكسسوارات 😍 بعدين كلنا من ايس كريم عزه طعمه بالنسبالي كان حلو بس عادي بعدين ركبنا الاتوبيس المفتوح ودا كان احلي حاجه في اليوم شفت اسكندريه كلها والهوا ينعش القلب والبحر قصادي منظر تحفه وتجربه لازم الكل يجربها نزلنا المنتزه كلنا ساندوتشات جمبري تصبيره من محل اسمه جمبرينو كان طعمه تحفه😋 بعدين رحنا المنتزه اتمشينا واتصورنا وطبعا اتصورنا الصوره المشهوره عند الكوبري هناك ومنظر الغروب كان تحفه💞💞 نركبن تاكسي لاخر المنتزه خد ٢٠ جنيه بعدين ركبنا ميكروباص ل جليم باي اجواء الكريسماس كانت تحفه هناك والهوا كان بينعش القلب مقعدناش كتير لانه كان زحمه جدا للاسف فركبنا ميكروباص من قصاده ورحنا كوبري ستانلي وشربنا حمص الشام واتصورنا وكان جميل جدا وفي اخر اليوم رحنا طبعا طبعا كبده الفلاح في محطه الرمل انا مببحبش الكبده اطلاقا لان طعمها مش بيعجبني وهو غير ليا مفهوم الكبده في حياتي طعمها تحفه قليل عليها والساندوتش ب ٤ جنيه👀 وجربت من هناك برضو ساندوتشات لحمه مشويه دي كانت شكلها جديد عندهم كانت طعمها حلو اليوم كان جميل جدااا والاسكندريه فعلا عروس البحر المتوسط البحر كان تحفه لونها كان جميل جدااا ولازم لازم لازم تجربوا كبده الفلاح والشيخ وفيق والاتوبيس المفتوح