اسباب تخليك تسافر اسكندريه في الشتاء

اسباب تخليك تسافر اسكندريه في الشتاء

اسكندريه ف الشتا ?
الوقت ، ده اهم حاجه ، تظبيط الوقت هيخليك تروح كل الاماكن اللي نفسك فيها و تعمل كل اللي انت عايزه
انا وصلت الساعه ٦ الصبح ، الساعه ٩ كنت ف المنتزه قضيت نص اليوم هناك لان حرفيا المكان خرافي لهواه التصوير
بعدها اخدت الاوتوبيس الاحمر علشان الف اسكندريه و نزلت محطه الرمل ، اللي هي روح اسكندريه فعلا
اسكندريه مش كبده الفلاح ولا عزه بتاع الايس كريم ولا اي تريند ، اسكندريه فعلا أعظم و أعمق من كده بكتير
لف ف محطه الرمل و اقعد ع البحر و كل حمص شام و صور كتييير اوي كل الحاجات القديمه اللي مش هتلاقيها غير ف الاسكندريه
شارع فؤاد ⁦❤️⁩ ده شئ وهمي جدا لهواه المعمار القديم
المنشيه و شارع سعد زغلول ، المهم امشي كتيير
تاني يوم الساعه ١٠ كنت ف القلعه و دي للناس اللي بتحب التصوير مكان خرافي ، الناس اللي مش بتحب الاثار مكان عادي جدا ، و بعدها مركب ف البحر ساعه كده ، بجد انسي الدنيا و ما فيها
كمل لف ف الاسكندريه و حاول تاكل بقي اللي يجي ف نفسك
ديليس ده ارقي مكان ممكن تقعد فيه ، و الاكل هناك حلو اوي و الحلو فعلا حلو و مش غالي
اليوم ختم بمكتبه الاسكندريه و حفله عزيز مرقه و دي كانت حاجه عظيمه جدا

قبل ما تتفرج علي الصور بنرشحلك المكان ده
أماكن للخروج في اسكندرية في الشتاء

اترك تعليقاً

لن يتم نشر عنوان بريدك الإلكتروني.