احلي كافيه على بحر اسكندرية

احلي كافيه على بحر اسكندرية

أفضل مقاهي في الإسكندرية علي البحر
واضح إن بهجة مش مكان للي عايز ينبسط وبس، وانها بقت مكان ملهم للأفكار والتأمل. ومن هنا ورايح هنشارك معاكم كتابات في الركن البعيد الهادي اللي بيشاركنا بيها حد من محبين الكتابة ومحبين بهجة.
وسط النوة ولو أنت اسكندراني أصيل لازم تروح تقعد ع البحر. ما فيش وقت هتحب البحر فيه قد وقت النوة. البحر وقتها بيبقى فاتح قلبه ع الواسع تقدر ترمي فيه اللي انت عايزه. ارمي وجعك، أحزانك، أحلامك اللي ضاعت في الزحمة. ارميها والموج هياخدها بعيييد واتمنى انه ما يرجعهاش تاني.
في النوة البحر بيفضل رايح جاي، غضبان أو بيرقص، على حسب انت حاسس بإيه هتشوفه. عن نفسي البحر محسسني دلوقتي بالحيرة، عامل زيي بيدور على شط يرسى عليه مش لاقي. هو زيي مستني النوة تخلص. يمكن ساعتها الشوف يكون واضح والريح تساعده على الوصول لمكان ما فيهوش فرهدة ومعارك.
أنا وريحة القهوة والبحر وصوت أم كلثوم اللي جاي من الركن البعيد في بهجة مستنين النوة تخلص بس مش عشان خايفين م البرد. بس عشان احنا رمينا في قلب البحر حاجات كثير ومش عايزينها ترجع تاني.. أنا بستنى النوة عشان أرمي جواها حملي، وبستناها تخلص عشان اجري بعدها خفيف. وهذا ما تعلمه لنا الإسكندرية وسط النوة يا أصدقاء.
من احلى الأماكن اللى قعدت فيها و انا فى اسكندريه كافيه اسمه بهجه Bahga Cafe مكان بسيط اوى و يحسسك بقعدات دهب دة غير الفيو على البحر دة غير أسعاره الحلوة و اهم حاجه التيم اللى شغال عليك و محسسينك انك الجيست الوحيد اللى موجود و انك قاعد فى مكانك و الفطار عندهم تحفه و سعره رخيص اى حد عاوز قاعده حلوة يروح بهجه و بالذات الصبح
مواعيد الكافية بنفتح من : ٩ صباحا ل ١٢ منتصف الليل كافية بهجة : بعد إشارة سيدي جابر ب ٢٠٠ متر وانت رايح على محطة الرمل ، بجوار كافية كرافت

قبل ما تتفرج علي الصور بنرشحلك المكان ده
فسح اسكندرية في الشتاء
ازاي اسافر إسكندريه ب ٥٠ جنيه
خروجه اسكندريه في يوم

وسم : /

One thought on “احلي كافيه على بحر اسكندرية

  1. غلب على كل شي فيك ياقلبي الي انا انا الي انا ابي انام وانا ابي انام الا انا

اترك تعليقاً

لن يتم نشر عنوان بريدك الإلكتروني.