اجمل اماكن سياحية اوكرانيا

اجمل اماكن سياحية اوكرانيا

هكلمكم انهارده عن اوكرانيا بواقع خبره خمس سنين دراسه فيها ، البلد الجميل المظلوم اللي اغلب الناس بتتجاهل تروحها ،
فيها جبل هوفرلا Говерла وطوله 2,061 م وهو أطول جبال أوكرانيا ، كييڤ kyiv اكبر مدينه فيها وهي العاصمه وبتعتبر مركز اوكرانيا الاقتصادى و الصناعى و السياسى و الثقافى و التعليمى ، فيها الجامعه الحمراء ودي شكلها وتصميمها جميل جدا ، بردو فيها الكنايس وبيهتموا بالكنايس جدا وبتتبني الكنايس بشكل خرافي وجميل زي ما انتوا شايفين ف الصور ،
طبعا لازم لما تيجي كييڤ تزور ال Maidan Nezalezhnosti ( indepandec square ) وشارع Khreshchatyk من اشهر شوارع اوكرانيا خلال الحرب العالميه التانيه ، وطبعا مشهوره بالحدايق والاشجار والخضره والمناظر الطبيعية الجميله ودي صور للمناظر طبعا حاجه خيال وفي نفق الحب ده لو رايح انت ومراتك لازم تزوره وده عباره عن نفق كله شجر علي طريق سكه حديد بيعدي من القطر ومنظر جميل جدا وطبعا بقي نصيحه يا معلم لو عاوز تيجي يبقي من شهر اربعه ل شهر عشره غير كده متقربش من اوكرانيا لو ليك ف التلج وبتحب التلج والتزحلق علي التلج والتليفريك وهكذا عشان درجه الحراره بتوصل لسالب ٣٠ و احيانا ل ٥٠ كمان ي معلم اه ٥٠ زي ما شوفت ? اوكرانيا من المدن اللي بيجيلها طلبه كتير عرب يدرسوا ، غير طلبه الايزك اغلبيه اللي شوفتهم تبع الايزك بينزلوا علي مدينه اسمها ايڤانوفرانكيفسك ودي معلم لو انت تبع الايزك ونازل عليها متقعدش فيها غير يوم وتطلع علي لڤيڤ او لڤوڤ ودي مدينه غرب اوكرانيا وعلي الحدود مع بولندا هي ومدينه اسمها اوشجراد حوالي ٧٠ كيلو متر من لڤيڤ وتبقي ف بولندا ي معلم الاوكران بيسافرولها يا اما بالباص يا بالقطر لڤيڤ دي بقي من المدن المحببه الي قلبي انا شخصيا حاجه كده historical والمباني بتاعتها مختلفه والشوارع والاوبرا طبعا لازم تزورها لو جي اوكرانيا وفي جبال الكربات دي بقي خيال لوحديها سوا شتا او صيف من حيث المناظر الطبيعه والاشجار والخضره في الصيف والتلج والتزحلق والتليفريك وهكذا في الشتاء ده غير طبعا دول الشرق اللي علي حدود روسيا زي دنيبرو وخاركوف او الجنوب مدينه اوديسا من اشهر المدن السياحيه والساحليه في اوكرانيا من حيث الشواطيء والبحر والحفلات والميناء البحري والالعاب المائيه ومن احسن مدن اوكرانيا بردو بس في الصيف ، غير مدن كتير تاني طبعا واماكن حاولت اجيب علي قد ما اقدر اشهرهم ف لو انت من عشاق الصور ف لازم تيجي اوكرانيا

قبل ما تتفرج علي الصور بنرشحلك المكان ده
إيطاليا ارخص من شرم الشيخ

اترك تعليقاً

لن يتم نشر عنوان بريدك الإلكتروني.