Alexandria, Egypt ❤️
يوم اجازتك إستغله صح و غير جو و إطلع طالعة إسكندرية لوحدك او مع اصحابك
احنا علينا التخطيط و انت عليك التنفيذ ?
♦️إحجز قطر إسكندرية درجة تانية مكيف هتركب ٨:١٥ الصبح توصل سيدى جابر تقريباً ١١:٣٠ و سعر التذكرة
١٠٠ جنيه ♦️هتوصل سيدى جابر هتلاقى محطة الترام على بُعد ٣ دقايق اركب الترام إتجاه جليم و انزل عند متحف المجوهرات الملكية هتنزل من الترام تتمشى ٥ دقايق تكون وصلت المتحف
تذكرة الدخول ١٠ جنيه ?
هناك هتتفرج على كل مجوهرات و مقتنيات الملوك و الامراء و طبعاً كل حاجة مشروحة على صندوق المقتنيات ?
اوعدك هتتبسط بس تنجز علشان تلحق باقى اليوم ?
♦️هتخرج من المتحف لاتجاه البحر و تخلى البحر على يمينك و اركب ميكروباص لمكتبة إسكندرية ?سعر التدكرة ٥ جنيه و استمتع بقى بالاجواء و المناظر و الشرح لفكرة المكتبة ?? و فى جواها نت مجاناً علشان لو احتاجته
أوعدك هتتبسط بس ننجز علشان نلحق باقى الخطة ?
♦️ خلصنا المكتبة؟ اخرج اركب مشروع من البحر لمنطقة بحرى و هناك طبعاً مش هنحكيلك على محلات السمك
?? اختار اللى يعجبك و كل عنده احلى سمك وجمبرى
♦️كلت و شبعت؟ الف هنا اطلع اركب مشروع و قول للسواق عايز انزل عند الشيخ وفيق ??
دا اشهر محل رز بلبن بالمكسرات و الايس كريم فى اسكندرية بيعمل كسكسى و ام على و ايس كريم و كل ما تشتهى الانفس ?
♦️ كلت و حليت؟ بالهنا و الشفا اركب مشروع و قوله نزلنى عند كوبرى استانلى و روح و استمتع بقى بالمنظر و القعدات و الكافيهات و ادعيلنا ?
♦️استمتعت خلاص ؟ ? ارجع اركب المشروع بقى اللى رايح سيدى جابر تانى هينزلك على الشارع الرئيسي و هتتمشي للمحطه حوالي ١٠ الي ١٥ دقيقه
احجز قطر الرجوع هيبقى عندك ٣ مواعيد للقطر اللى راجع القاهرة
الساعة ٨
الساعة٨:٢٠
الساعة٩:٣٠
احجز درجه تانيه مكيفه بنفس السعر 100 جنيه او هتلاقي في قطار ٨:٢٠ درجه اولي ب 125 جنيه. اسعارهم زادت مؤخرا
رحله زي كده لو حسبتها مش هتكلفك اكتر من 200 -300جنيه و هترجع مبسوط و مغير جو