بيت القرش مرسى علم

بيت القرش مرسى علم

واحد من افضل مواقع الغوص في مصر والبحر الأحمر كله
بيت القرش (مرسى علم).
لازم نعرف اننا عندنا أماكن في مصر بيجيلها السياح من جميع أنحاء العالم مخصوص
وممكن يتخانقوا ويعملوا مشاكل كمان لو عرفوا انهم مش هايغطسوا بسبب ظروف او طقس
الغوص فيه متعة ومغامرة لكن لازم تكون حريص جدا هناك مش اي وقت تنزل ولازم تعمل حساب المد جداااااا
ومطلوب تكون هاتعرف تتعامل لما تقابل قرش
هاتغطس بلوووووو وتشوف مجموعات من قرش المطرقة
وتكمل الغطسة مع البلاتوووووه
ولو انت غطاس شاطر يبقي هاتعرف تجيب القرش وأسأله كابتن محمد عبده عن الموضوع ده . لكن المشكلة بقي انك تجيب القرش ويرخم عليك ابقي قابلني بقا لو سابك تخرج وحلاوتها بقا لو نزلت ف موسم تزاوج القروش 😊😊وتقابلك انثي اللونج مانووووس صدقني هاتنفخك . بس هاتستمتع بالغطسة جدا . اغلب الغطسات هناك بتبدأ من بعد الفجر مباشرة .
الفينستون عبارة عن حائط هرمي مدرج في وسط البحر يبعد 8 ميل بحري عن الشاطئ داخل البحر الشعب المرجانية هناك جميلة جدا من الأنواع النادرة لانها تحتوي عليه كمية كبيرة من الرخويات والمستعمرات الصخرية المشهورة بألوانهااااااا هاتشوف الوان اول مرة تشوفها في حياتك وهاتشوف اكبر جروبات سمك التونة وأنواع المانتا رااااي وكمان القروش اساسا .. هاتشوف اكبر الاسماك حتي اسماك المورينا هناك ضخمة جدا ده بس اختصار بسيط جدا عن المكان
هاتشوفوا شوية صور تعجبكم
(( الفينستون الغوص فيها ليه متطلبات وشروط ومش اي حد ينفع يغطس هناك
وكمان لو انت غطاس وغطست هناك دي بتديك خبرة كبيرة وكمان لو مقدم علي شغل dive guide or dive instructor وكاتب في السيرة الذاتيه انك عندك عدد معين غطسات في الفينستون.. دي لوحدهااا كفاية جدا بالنسبة للخبرة ))

قبل ما تتفرج علي الصور بنرشحلك المكان ده
اروح فين في مرسى علم

وسم : / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*