اسكندرية صد رد

اسكندرية صد رد

اسكندريه صد رد ⁦❤️⁩
-اركب من رمسيس لميامي انزل الاخر ‘ميامي45’
-اكله سمك محترمه من مطعم الكتعه ولاازم تجرب شوربه كريمه السي فوود من هنااك حوااار 🐟🐟
*و اللي يقولك شعبان بتاع السمك اعرف انه مش اكيل😎*
-روح اقعد ع البحر شويه و خدلك صورتين حلوين
-لو عايز كافيه حلو تقعد فيه خد مشروع و انزل عند wave او Gleem Bay ☕
-و بعدها كمل ع القلعه القاعدة فوق حلوة جدا و سمعاتك و عيش 🎧
-خلص القلعه و امشي خطوتين هتلاقي نفسك عند الشيخ وفيق ‘احلي رز بلبن بالمكسرات و الجيلاتي ‘ 🍚
-هتلاقي مكان قدامه مكتوب انه كافيه بس هو مش كافيه ولا حاجه هو مكان غريب كدة ادخل بس سيبك منه و كمل ادخل اقعد علي الشط نفسه علي البحر 🌊
-افصل بقي حبه حلوين هناك مع الرز بلبن و طبعاً سمعاتك لحد الغروب
-خلصت فصلان؟
– قوم خدلك مشروع لحد محطه الرمل او اتمشاها المسافة مش طويله اوي يعني
-لو كيييف قهوة اطلع علي بن البرازيلي خدلك فنجان قهوة حلو و اشتري بن و انت مروح ☕
-كمل علي ديليس خدلك دونتس قرقض فيه و انت مروح في الطريق عشان متزهقش😂
-و طبعا لازم نحدق و احنا في السكه عشان الطريق لسه طويل كمل علي كبدة الفلاح “ايوة في ناس كتير مبتحبهاش بس انا لازم اختم يومي بيها” و متنساش تحط ليمون ع الكبدة
-حاجه ساقعه في ايدك عشان تبلع و كمل علي محطه مصر هتلاقي عربيات القاهرة هناك و تصحبكم السلامه😍🚙

و من هنا هاتعرف أحسن أماكن في إسكندرية

وسم :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*