10 اسباب يخلوك لازم تزور سيوة

10 اسباب يخلوك لازم تزور سيوة

سيوة
ما بصدقش أنا فى حوارات الطاقة السلبية و ازاى بتخرج و كدة بس سيوة غيرتلى معتقداتى لانى كنت رايحة stressed اوى و الطبيعة هناك ساحرة قدرت ترجعنى إنسانة مبتهجة كدة و مقبلة على الحياة
اللى شجعنى اروح الصور اللى ناس كتير فى الجروب هنا بتنزلها و على الرغم انى مش بحب السفر مسافات بعيدة اوى كدة إلا أن الموضوع طلع يستاهل سيوة مكان ليناسب كل الاذواق
لو انت بتحب الصحراء و السفارى و الsand boarding و الكامب روح سيوة
لو انت بتحب مناظر طبيعية و خضرا و مية و غروب و شروق روح سيوة
لو انت عاوز مكان فى هدوء و تريح فيه اعصابك روح سيوة
لو بتحب تتفرج على طرازات معمار مختلفة روح سيوة
لو بتحب البلبطة و المية برضة روح سيوة
عاوزة بس اقولكم شوية حجات تاخدوا بالكم منها و انتوا رايحين:
١-البحيرات سقعة اوى فى الوقت دة ف الوقت الأنسب لنزول المية هو شهر ١١ و ٣ و٤ بس فيه هناك عيون مية طبيعية سخنة سبحان الله فى عز الجو التاج المية بتطلع بخار من السخونة …العيون دى ممكن تنزلوا فيها
٢-حاولوا تنزلوا فى مكان إقامة يكون على جزيرة لأن دة امتع بكتير من جوا البلد(احنا كنا نازلين فى طغاغين وهمية اوى بجد)
٣-حاولوا يبقى معاكم فلوس حلوة للناس اللى بتحب الشوبينج لأن الهند ميد هناك حلو اوى و كتير
٤-الاكل فى الفنادق هناك بسيط و محدود فمتعملوش حسابكم على اوبن بوفيه
٥-الناموس و اياكم و الناموس يا ريت بقى ريد و اوف و مراهم حساسية
٦-حاولوا لو فى رحلة يبقى العدد من ١٥-٢٠ هتستمتعوا اكتر عشان أما بيزيد العدد مش بتعرفوا تعملوا كل حاجة و بتعطلوا بعض
٧-احنا مدة الرحلة كانت اربع ايام و حاسين انهم طاروا هوا ..لو اسبوع هيبقى احلى عشان تستمتعوا وقت أطول
اخر حاجة احب اقولها سيوة محتاجة مننا أن احنا نروحها و نشجع السياحة هناك لأن بالرغم من كل المميزات دى إلا أن أعداد السياح هناك مش كتيرة…وفى ناس هناك مصادرها قايمة على السياحة دى
8- تعالج رمال سيوة ومناخها الحار عدة أمراض، منها أمراض السمنة
9- الأقامة في سيوة تعتبر رخيصة , ممكن تبدأ من أول 200 جنية (10 دولار) في الليلة أو أقل .. هتلاقي اختيارات كتير بين النزل و الفنادق و الكامبات و حاجات كتبر ..
10- أشهر المزارات في واحة سيوة
مدينة و قلعة شالي
جبل الموتي:
معبد الإله اّمون رع:
عيون المياة الكبريتية و السياحة العلاجية:
البحيرات المالحة و المحمية الطبيعية:
رحلات السفاري
الحرف اليدوية

تعرف ايضا على
السياحة في سيوة

⬅️ مواقع هامة .. ننصحك بمتابعتها 👍

✈️ اماكن وخروجات حوزو7ozo.com➡️
🍔 منيو مطاعم مصرMenu22.com➡️
📱 اسعار الموبايلاتi2Mob.com➡️
وسم : /

اترك تعليقاً

لن يتم نشر عنوان بريدك الإلكتروني.