السياحة في سيوة

السياحة في سيوة

بالنسبة للطريق من القاهرة بياخد من ١٠ ساعات ل ١٢ ساعه وفي سوبر جيت بمواعيد معينة دلوقتي بيطلع سيوة
نزلنا فندق سيوة شالي… الفندق ميزته الحقيقه إنه بسيط وهادي وغرفه نضيفة وفيه حمام سباحة ومطعم و الاوض فيها طابع سيوي
ولو مش عاوز تنزل ف فندق في كامبات هناك حلوه جدا

المزارات… روحنا
🌺جزيرة فطناس ودي بتشوف فيها الغروب والمنظر راااائع جدا هناك… تخيل كده قاعد وراك بحيرة وشايف جمبك الشمس بتغرب والقمر الناحية التانيه والمكان هادي وفي أيدك فنجان القهوة او شاي باللويزه ” لازم تجربوه ❤️” … إحساس تاني خاللللللص ❤️❤️
🌺 قلعة شالي والعشا “الفراخ بالزيتون والملوخية ❤️❤️” ع ضوء القمر والشموع
🌺 بحيرات الملح وجمالها ❤️ وإللي مبيعرفش يعوم هايعوم هناك عادي جدا 😃 وخودوا ملح وانتوا مروحين 😃
🌺 جزيرة طغاغين حلوة جداااااا و روحوها وقت الغروب لاااززززم
🌺 عين كليوباترا الميه فيها عذبة ف اللي مبيعرفش يعوم مينزلهاش 😃 اقعدوا ع السلم بس ورجلك بس تكون ف المية
🌺 رحلة السفاري حاجة تانيه خااااالص بندخل بحر الرمال الاعظم وجبال رمل تشيلنا وتحطنا اللي بيحب روح المغامرة لازم يعمل سفاري بجد و الساند بوردينج وتشوفوا البحيرة الباردة فيها سمك بيعمل باديكير حلوه جداااا والعين الدافية كل ده ف قلب الصحرا و الحفريات البحرية ودقق اوي هاتلاقي أنواع سمك وقواقع
🌺 جبل الدكرور لازم تطلعوه لأخره فيكون عندكوا باور كده عشان تقدروا تطلعوه 😃 وتشوفوا سيوة و الشروق من فوق الجبل
🌺 البازارات السيوى والسوق… الاسعار هناك وهم ” اشتروا تمر وزيت زيتون و زيتون مخلل وملوخية ناشفة وفي هناك مربات شوفت مربى بتنجان و الأعشاب و محلات العطارة والتجميل كلها ب مكونات طبيعيه والشغل الهاند ميد وجماله ❤️
🌺 الردم ف الرمل ودي تعتبر حاجة علاجية وليها فوايد كتير جدا جدا وفي ناس كتير بيروحوا سيوة عشان الردم ف الرمل بس
و بالنسبة للجو هناك كان كتير مخوفني إنها حر والجو صعب… انا بطبعي اساسا بحس بالحر جدا بس لما روحت فعلا الجو هناك لطيف جدا بجد ومفيهوش رطوبة

والاكل هناك حلو اووووي لازم تجربوا أبو مردم من عند عثمان الطعم خطييييير

وبالنسبة للاطفال برده الناس كانت مخوفاني إنها مش رحلة مناسبه للاطفال بس انا شوفت عكس كده تماما أنا كنت متطمنة ع بناتي اكتر من أي مكان تآني روحته… ده غير إنهم فعلا اتبسطوا و لعبوا براحتهم من غير تعالي هناااا ومتروحيش هناااك 😂 كنت بسيبهم ينطلقوا براحتهم ونزلنا سوا بحيرة الملح وروحنا ال مزارات ونزلنا كمان عين كليو باترا 😃 ❤️ فالدنيا اماااان جدا هناك بالنسبة للأطفال

و من هنا تعرف على 10 اسباب يخلوك لازم تزور سيوة

وسم : /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*