انت اول ما توصل هناك هتلاقي ولادك انطلقوا على طول و اللي يدخل يتنطط في الترامبولين و يطلع للشلال و ينزل علي الزحاليق، و بعد كدة يلعب في بسين المراكب و لعبة دوار الشمس و العاب تانية كتير.. و اللعبة اللي تعجبه يفضل يلعب فيها دورين تلاتة اربعة لحد ما يشبع .. خليه يقضي اليوم كله لعب و ينبسط و كل دا في الاخر بتيكيت واحدة ب 75 جنيه
المكان دا فكرته حلوة اوي .. انت و ولادك الكل هينبسط ولادك هيلعبوا و ينبسطوا و يتنططوا طول اليوم في اكتر من 14 لعبة تناسب الاطفال في كل الاعمار
في لعبتين بس بيكون الدور فيهم بتكيت اللي هما عربيات التصادم ( الدور ب 20 جنيه) و لعبة الفنجان ( الدور ب15 جنيه) و PlayStation (الساعة ب 40 جنيه) الالعاب دي مش للاطفال بس للكبار كمان
بيبقى في سماعات كبيرة بتشغل اغاني الاطفال اللي بيحبوها دي من الحاجات اللي بتخلي الاطفال يحبوا المكان اكتر و يندمجوا ويستمتعوا اكتر بوقتهم في اللعب
كمان Face painting الاطفال بيحبوا يرسموا على وشوشهم رسومات كارتونية زي سبايدر مان وو البنات بيحبوا الفراشات و الحاجات الرقيقة دي، و في كمان تلوين على مجسمات جبس و دي ميزيتها انها بتنمي الجانب الفني و الابداعي في الطفل و بينبسط بيها و ياخدها معاه البيت و يكمل تلوينها في البيت
في نفس الوقت في مكان تقعد فيه مع اسرتك براحتك سواء بقى في القعدة العربي و ال Bean bags و قعدة تانية بكراسي الوانها مبهجة و كراسي بلاستيك زي بتاعت المصايف دي
على فكرة مش هتحتاجوا تاخدوا اكل معاكم، في مطعم داخل المكان نفسه بيقدم حاجات خفيفة بتبدأ من 20 جنيه و اغلى حاجة ب 70 جنيه زي ال البرجر البيتزا و الكوردن بلو و الفراخ الكرانشي
كل لعبة بيكون قصادها مشرفين لمتابعة الاطفال و مساعدتهم و التأكد من سلامتهم، و من المزايا ان المكان ليه باب واحد بس فا متقلقش ان طفل يطلع من الباب الا مع اسرته
ممكن كمان تنسق معاهم و تعمل عيد ميلاد اولادك هناك و هما يظبطولك الزينة و البلالين و ممكن كمان يعملولك حفلة فيها الشخصيات الكارتونية و دا كله بيكون بالتنسيق معاهم وانت بتحجز
** ممنوع الدخول بالاكل والشرب

رقمهم: 01001638888

العنوان: شارع القدس متفرع من شارع 9 أول يمين بعد أخر سور نادي المقطم الرياضي (تالت بوابة)

وفى مكان اخر وهاتحبه تقدر تعرفه من خلال الرابط التالى
ملاهي فابي لاند بورتو كايرو