كريزى لاند أكبر كيدز أريا

كريزى لاند أكبر كيدز أريا

Crazy Land
ولادك هيشبعوا لعب فى أكبر كيدز أريا ٣ ساعات ب ١٠٠ جنية

اكيد كل واحد فينا نفسه يشوف سعادة اولاده .. جاتلك الفرصة تفسحهم في اكبر Kid’s area .. مدينة العاب خيالية فعلا

المكان لو قعدوا يلعبوا فيه 3 ساعات مش هيخلصوا نص الالعاب اللي فيه (11 كيدز اريا في بعض)

اول ما بتدخل هتلاقي على الارض اسهم اتجاهات رايحة و جاية عشان الاطفال يمشوا عليها و هما راكبين العربيات اللعبة و العجل منها انهم يلعبوا و انهم يتعلموا من صغرهم احترام اتجاهات المرور

بعد كدة هتلاقي حوض سمك كبييير مليان سمك زينة و فيه ببرونة فيها الاكل بتاع السمك .. الطفل بمجرد ما يمسك الببرونة دي في المياة هيلاقي السمك كله اتلم عليها عشان ياكل .. فكرة جديدة اول مرة اشوفها

بعد كدة في جزء فيه العاب مختلفة للاطفال زي البيت اللي بيتبني بالطوب البلاستيك، و العاب بالرمل زي الالعاب بتاعت الشاطئ

في جزء تاني للعب بمسدسات لعبة بتضرب طلقات (سفنج) و مرسوم على الحيطة الدواير اللي بيتنشن عليها و الطلقة بتلزق في الحيطة .. و في كمان ازايز لعبة ممكن تنشن عليها السن الاكبر ممكن يلعب بالاسهم .. في حيطة مليانة بلالين و كل طفل بياخد سهم ينشن بيه على البلونة .. زي لعبة النشان بتاعت المولد و احنا صغيرين بس دي حاجة مودرن 😄

من امتع الالعاب لعبة الاسهم .. عاملة زي لعبة (هركليز) بتمسك القوس و السهم 🎯 و تنشن على الهدف .. المكان بتاع النشان مفيش اي حد بيتحرك فيه عشان الامان

في بعد كدة جزء فيه سوق الخضار و الفواكه و الجميل إن كل حاجة ملمسها زي الحقيقي بالظبط، و فيه كاشير و تليفون بيشتغلوا بجد .. و جوة في مطبخ كبير لعبة للاطفال في حوض و ميكرويڤ و كل حاجة تخص المطبخ

دا غير بيت باربي (3 ادوار) فيه العروسة باربي بكل اكسسواراتها اللي تتخيلها

كمان في جزء بتاع الصلصال الرملي و قوالب جاهزة فيها الاشكال .. ممكن تعمل طيارة او عربية بسهولة

اخر جزء فيه لعبة التسلق و دي كلها معمولة بسفنج مكعبات و لزيادة الامان تحته طبقة سفنج مضغوط مغطية الارض بالكامل دا غير إن الطفل و هو بيتسلق بيكون مربوط بحبل عشان ميتعرض اصلا لانه يقع

من الحاجات الجميلة اوي الجزء بتاع الالعاب اللي بتنمي الذكاء، ممكن ابنك او بنتك يعمل اسورة بلاستيك (كل الادوات موجودة هناك) و في اشكال كتير ممكن تتعلمل بالاكسسوارات دي، دا غير الجزء بتاع التلوين بالالوان المائيه على الفلين، و التلوين على ورقة (نفس فكرة المانديلا) بالوان فلوماستر

دا غير البيبي فوت و بيت الكور و الزحاليق و لعبة المغامرة زي الحاجات اللي بنشوفها في التلفزيون بتاعت المسابقات اللي بتتعمل في الصين

حتى لعبة الترامبولين مش لعبة ترامبولين عادية .. الاطفال بيلبسوا حاجات عاملة زي المخدات منفوخة هوا عشان ينتطوا بيها و هما بيلعبوا

الناس اللي بتسأل على عامل الامان .. هنقولكم على حاجة بسيطة جدا .. المكان مفيش فيه ولا فيشة كهربا عشان الاطفال يكونوا بعيد عن اي خطرالمساحة كبيرة جدا

من عوامل الامان المهمة جدا إن المكان ليه باب واحد بس للدخول و الخروج عشان الامان للاطفال
الالعاب مناسبة للاطفال من سنتين ل 12 سنة

الاسعار:
عاملين عرض بمناسبة الافتتاح إن أول 3 ساعات ب 100 جنيه و بعد كدة كل ساعة زيادة ب 20 جنيه و في خصم للاخوات

رقمهم: 01010981566

العنوان في الهرم: كايرو مول – الدور التالت (في اسانسير)

ملحوظة: متخليش شكل المول و انت داخل يقفلك .. الكيدز اريا مبذول فيها مجهود كبير و رائع و هتحس بفرق مجرد ما تدخل

شاهد ايضا
FunTime Kids Area ملاهي

وسم : / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*