أحسن أماكن في إسكندرية

أحسن أماكن في إسكندرية

عاوز أحسن أماكن فيها؟ عاوز تستغلها صح؟

نبدأمن القلعة اللى دخولها بيبقى الصبح وطلوعها

بس بعد كدا بتدخل المبنى جوة وشايف البحر بس بدون طلوع

عندنا بعد القلعة

جوعت؟ ???

طب تعالي بقي☺☺☺

1- صابر الحلوانى ?– احلى رز بلبن ب26 جنية بالمكسرات والقشطة وعندة ايس كريم وحلويات شرقى تجنن .. مكانة؟؟ بعد القلعة بشوية عالكورنيش وبعد جيلاتى عزة وجنب جيلاتى النظامى بالضبط (المكان / بحرى الجمرك عالكورنيش) ??

2- مكتبة الاسكندرية ?وجمالها بعد مسجد القائد ابراهيم علطول امام كافية سلسلة على البحر (المكان / الشاطبى) ??

3- كافية بانوراما ?– هو كمشروبات وحش جدا بس ممكن تتطلب كانز مقفول او حاجات معلبات بس قعدتة بعتبرها اجمل قعدة فى اسكندرية عالبحر من ناحية كافية واسعارة بتتراوح للمشروب من 25 جنية ل50جنية بالضريبة (المكان فى كامب شيزار) ??

4-ألبان سويسرا ? – نفس المكان اللى فية كافية بانوراما هتعدى الناحية التانية عن طريق نفق السلم هتلاقى (زهرة دمشق) اكل سورى ادخل الشارع بتاعة للاخر ف شمال هتلاقيه.. بس مفيش الا تيك اواى وبيتراوح سعر الطبق فية من 20 جنية لحد 45 جنية بيبقى اى حاجة تتخيلها بالجبنة السايحة جمبرى بسطرمة بيض كل حاجة بالجبنة السايحة افتكاسات جامدة مع الفينو بقى..بس الانتظار من نص ساعة لساعة عشان تستلم الاوردر من الضغط بيدي لكل طبق 3 فينو بس ..فية بعدة بشارع فرن فينو هات منة اللى تحبة على قدك فينو (المكان / كامب شيزار) ??

5-عاوز قعدة من الاخر تحفة وغالية للاسف?… تيفولى دوم او سانتوس (المكان / سيدى جابر منطقة مصطفى كامل ) عند world gym كوبرى دة مجمع كافيهات كل كافيهات مصر تقريبا جواة بس غالى ولكن تحففففففففففة جدا ??

6- طب احلى اكل سورى؟؟? مطعم كرم الشام …مكانة (فى سوتر او الازاريطة على الترام علطول … وفرع جديد امام قصر المنتزة اول شارع الملك ) احلى ماعندة شاورما سورى فرنساوى التنين (60 جنية) وساندوتش كرسبى زنجر بالكول سلو ب35 جنية ورغيف ماريا باللحمة بالموتزريلا (55 جنية) وكل حاجة حلوة بصراحة حتى الفراخ المشوية السورى ??

7- عاوز كافية تانى ?(لاتينو او gleem bay مجمع كافيهات) مكانهم فى جليم عالبحر قعدتهم روعة برضو بس زحمة جدا ??

8- حلويات شيك وجميلة وزى لابوار عندنا واحلى? (حلوانى طلعت) فى جليم برضو عالبحر بس تعدى الطريق بعد ماتدى ضهرك للبحر..دوق البسبوسة المغربى عندة تحفة ??

9- محل اسماك شعبى رخيص بس تحفة وفريش جدا تاخد الاكل منة وتاكل عالبحر او ف البيت ? (اسماك الحبشى) مكانة امام جزارة السلام بشارع خالد بن الوليد بميامى .. بتنقى الحاجة نية وتخلية يعملهالك وحلو جدا ??

10- محل اسماك غالى حبتين بس حلو اوى وحركات وطواجن بقى? (اسماك روبيان) فى منطقة جمال عبد الناصر 45 ??

11- اسماك اللول … تروحة ازاى؟؟ تركب من محطة الرمل او المنشية ميني باص تقولة عاوز انزل عند اللول فى المكس وبس كدا عند الفنار الواطى اسعارة حلوة وقعدتة تجنن مع ريحة اليود ومفيش لاضريبة ولا شغل خدمة ولا السلطة بكذا ولا الكلام الفاضى دا عنده الأكل فريش جدآ وريحة اليود حلوة ااوي وقعدته بسيطة وروعة وصحاب وعمال المحل بجد ولاد حلال جدآ ??

12- اتوبيس اللى بدورين الاحمر ?? دا يتركب من قدام المنتزة بالضبط عالبحر..تطلع فوق وتقعد على اليمين عشان تشوف البحر وانت ماشي بية وتذكرتة ب15 جنية بيلف الكورنيش كلة لحد القلعة وبحرى بس احسن وقت لركوبة بعد 6 العصر الشمس بتكسر والمنظر عالبحر رووووووعة متركبوش ف الرجوع لان الرجوع بيبقى ناحية التانية من البحر مش حلو اوى ??

13- الترام المكيف ?..ب 5 جنية بيتركب من سيدى جابر مكيف وجواة اغانى اسكندرية وحاجة تحفة بصراحة ??

14- شارع فؤاد? – فى محطة الرمل من اجمل شوارع اسكندرية فعلا بدون منازع ف الشياكة وكأنك بلاد برة وكافيهات ايطالى واسبانى وانجليزي واحلى صور هناك ??

15 – مول سان ستيفانو?… مول جميل جدا فى حى سان ستيفانو مليان اشيك البرندات والاماكن وحلو اوى وشيك بجد وجواة مطعم فريش ماركت من احلى انواع السوشى هناك جواة وانضفهم وكل حاجة فريش جدا بس غالى حبتين تلاتة اربعة ههههههه ??

16- فول وطعمية?? .. مطعم محمد احمد فى محطة الرمل وفكك خالص من جاد بس احلى فرع جاد بصراحة فى محطة الرمل ??

17-هريسه الحلبي ?.. ده مكان حاجة كدا ٣ متر ف ٣ متر جنب كنتاكي محطة الرمل ناحية الترام هريسه بالسمن البلدي ومكسرات بس حاجة كدا فظيعة ??

18-ديليس ??.. ده ف شارع سعد زغلول عند محطة الرمل..عنده أحلي كل حاجة بجد حلواني يوناني مصري تحفة وأسعارة من ٣٥ج ل ٧٠ج تورته جاتوة قهوة كل حاجة تحفة بجد

ده بإختصار أحسن حاجات في إسكندرية بجد

تعرف ايضا على
ازاي اسافر إسكندريه ب ٥٠ جنيه
داى يوز فى الاسكندرية

أحسن أماكن في إسكندرية
أحسن أماكن في إسكندرية
أحسن أماكن في إسكندرية
أحسن أماكن في إسكندرية
أحسن أماكن في إسكندرية

Leave a Reply

Your email address will not be published. Required fields are marked *