احلي حاجه في مدينه نويبع ان كل كامب ليه استايل و جو مختلف تماما عن الكامب التاني يعني عمرك ما هتلاقي الجو متشابه في كامب و التاني.

هتكلم النهارده عن كامب دايره Dayra المكان ده من الاماكن اللي انبسطت فيها جدا لكذا سبب: -اصحاب المكان Ahmed &Randa شخصيات جميله جدا اول ما توصل المكان يحسسوك انك تعرفهم من زمان و اصحاب يعني مش هيحسسوك انك شخص جاي تقعد ضيف في مكان و مروح بالعكس هو بيكسب ولاء الشخص لمكان عشان يحس انه بيته و في نفس الوقت يرجع تاني و تالت لمكان.

-المكان متقسم الي عشش علي البحر و خيم و كلهم بمروحه و كهرباء و في ميزه تانيه ممكن تجيب خيمتك و تعملها هناك فبالتالي بتقلل التكلفه بتاعتك

-العشش واسعه جدا و فيها حاجه عجبتني انك ممكن تطلع فوق العشه بتاعتك وبيكون فيه مرتبه و مخده عشان لو حبيت تتابع النجوم و حركتها و انت نايم فوق و ديه حاجه ملقتهاش في كامبات تانيه زورتها

-احلي حاجه تقعد علي المرجيحه الطائره وقت الغروب جوه البحر و ده من العلامات المميزه جدا هناك

-المطبخ بتاعهم حلو بيعتم علي الطابع البدوي بجانب ان Randa بتعمل اغلب الاكل بنفسها فهتلاقي اكل بيتي حلو جدا و بتعمل بيتزا ايطالي بافتكاسه استافد كرافت و الجبنه بالثوم فبيتزا اختراع منها تحفه و عندها ملوخيه عالمية لازم تقولها تدوقهالك و ممكن تحدد نوعيه اكلك سواء نباتي او حابب سي فود او لحوم محدده.

-اي رحله عايزها او محتاج اي حاجه بترتب مع Ahmed و هو يظبلطلك رحلتك بشكل مغامره خصوصا انه متمكن في رحلات الجبال و هتستمتع بشرحه جدا و خفه دمه.

-ممكن تتعمل workshop هناك مع Randa خصوصا البنات زي انك ازاي تصنعي شنط جلد او ممكن تتعلم الرسم و التلوين هناك بجانب لعبه ال Poi و ديه Randa محترفه فيها و هتعجبكم و هي بتلعبها بليل سواء بالنار او النور الملون.

-اخر نقطه وواهم نقطه و انت داخل المكان هيدوك welcome drink كركديه تحفه تحفه تحفه و بيكون فرش فهيوديك عالم تاني.

سعر الفرد ٤٠٠ جنيه في العشه شامل الفطار و العشاء.

التصوير كله تصوير موبايل مش كاميرا بروفيشنال عشان يبان الواقع اكتر.

شاهد ايضا الموضوع ده
دهب مكان مفيش زيه في العالم