مالديف مصر ,مرسي مطروح ❤️
اول حاجه الباص من القاهره ب١٩٠ ج
و لو ميكروباص ب١١٥
ولو عربيه خاصه ب١٨٠٠ ج رايح بس
مطروح حلوه جدا و فيها هدوء و راحه نفسيه رهيبه بالنسبالي أحلي من إسكندرية
بحر مطروح نقي جدا بس مش كل الشواطئ نقيه
يعني الفيروز و روميل مش حلوين نهائيا عاملين زي الترعه بدون مبالغه و ريحه الماء مش حلوه
اما كل شواطئ الابيض وهم و مياه فيروزيه ع راي جوزي ازاز
الشواطئ مقفوله ف مطروح ما عدا الخاص
بس عادي العام بتنزلوا بس الشط مفيهوش خدمات
اسعار الشقق في من اول ١٥٠ ج لغايه ١٥٠٠
الفسح في مطروح،
الاكل في منطقه البوسيت و الليدو كل المطاعم اللي تتخيلوها
اما البراشوت و الجيت سكي هتلاقوا اعلانات ع الكورنيش لناس بتآجر
البراشوت الفردين من ٣٠٠ ل٤٠٠
و الجيت سكي ب ٦٠٠ الساعه
معلش معرفتش اصورهم ?
بس البراشوت وهم و احساس تاني يا جماعه والله محدش يطلع تبع شركه بوبوس البراشوت اطلعوا مع ابو عقيل ❤️
كهف الملح لازم تزوروه و تدفنوا جسمكم في الملح كله مقولكوش ع احساس الراحه
و احسن كهف ملح تروحوه اللي في قريه الكاسح دفن الجسم كله مع مساج ربع ساعه ب١٥٠ ج
باقي الكهوف ب٤٠٠ ج دفن الجسم كامل
كميه راحه نفسيه بعد الجلسه فظظظيعه ❤️
في تفاصيل تانيه كتير بس محبتش اطول عليكم
هنزلهالكم في الجزء الثاني
سفرو مطروح ي جماعه وأي حد يقولك متسافرش وفي كورونا ومش هتلاقي فيها ناس وكل حاجه مقفوله الي يقولك كدا يبقا مش عاوزك تروح ?بعض الشواطئ العامة مقفولة بس دا ميمنعش الشعب المصري من انه يظهر مهاراته ويدخل برضوا?وفي شواطئ بفلوس ادفع وادخل بس المهم انك تستمتع. .
بلد جميلة جدا ومش هتكلفك كتير وهتستمع حتي لو معاك أطفال صغيرين فيها ملاهي في كل حته تقدر تخرج أولادك فيها..
تقدر تخرج تتمشي بليل علي الكورنيش وتحضرو حفلات? علي شواطئ القوات الجوية والمسلحة وتركبوا مع أطفالكوا عجل? أو تدخلوا سيرك جميل جدا? ?وتعملوا shopping في سوق ليبيا وشارع اسكندرية وأسعار الحاجات لطيفه
ولازم لازم تجربوا آيس كريم عزة?
بالنهار تنزلوا البحر واركبوا ال banana boat حلوه جدا وانت بتترمي في الميه انا تافهه جدا وبستمتع بيها اوى ?رحلة باليخت ممتعه اوي وبتقفوا في أماكن ممكن تنط من اليخت وتعوم ?♀️في وسط البحر?? وتروحوا زيارة لحمام كليوباترا مفتوح والممشي الزجاجي جميل جدا التذكرة ب10ج
شاطئ عجيبة لازم وانت في مطروح تروح وتتصور هناك
وتزور كهف الملح في حي البوسيت علشان تستجم وتخرج كل الطاقة السلبية ? التذكره ب100ج ومن سن 7 ل 12 ب 30ج
