أجواء رمضان المثالية في التجمع الخامس
اللي قدامك دة كله فى مكان واحد
مول ((داون تاون قطامية – Downtown Katameya)) التجمع الخامس، عامل مفاجأة حلوة أوي لكل الناس طول شهر رمضان المبارك
عاملين Photo booth مكان مخصص للتصوير
فيه بوجي و طمطم و عم شكشك، تقدر تدخل تتصور معاهم بالموبايل كذا صورة حلويين اوي
بعد كدة هتطلع على منطقة العاب الحارة بتاعت زمان زي النيشان على البومب و مراجيح المولد و لعبة المدفع اللي كانت بتيجي في الافلام العربي بتاعت زمان
كمان هتاكل غزل بنات و تشرب حمص شام و هتتفرج كمان على الكنافة و هي بتتعمل قصادك Live
و من الساعة ١١ بالليل المسحراتي بيلف المول كله وبيفكرك بالسحور والامكان هناك مناسبة لجميع الفئات واكيد اكيد اى كان اللى معاك هتتسحر بيه هناك
وطول ما انت ماشي هتلاقي حواليك ديكورات رمضان و الزينة في كل مكان و الصور هناك حلوة اوي زي كادر الليلة الكبيرة و هلال رمضان الفوانيس و الكادرات ال Elegant .. بجد عاملين جو حلو اوي و راقي
دا غير إن المول فيه حوالي 250 Store فيهم طبعا مطاعم و كافيهات كتير عشان لو حبيت تفطر او تتسحر هناك، و كمان في حلويات شرقية و غربية، مكسرات، ملابس، بيوتي سنتر و Kids area و حاجات تانية كتير
خروجة زي دي مش هتكلفك كتير و هيبقى عندك فرصة كل يوم تستمتع بال Vibes الرمضانية مع اسرتك و اصحابك و تتصوروا سوا
رقم التليفون
02-23146182/3
العنوان
التجمع الخامس، مول داون تاون قطامية .. المول نفسه أشهر علامة
افضل اماكن الفسحه والخروج في التجمع الثالث
ازاى اقضى يوم فى التجمع الخامس
