في بورسعيد عندنا ممكن تلعب… تتفسح… تاكل… تسوي شوبنج?… تتصور… تشوف اثار… تسافر اسيا *ودا اللي هنعرفو بعدين*
تشتري شوكولاتات? اشهر الماركات وارخص الاسعار?☝️?
كمان عندنا هنا محلات? هدوم بتبيع بالكيلو.. اه والله الكيلو بتاع الرز ده هو اه هو ✨☑️
…
لو اكيل تعالا بقي اقولك ممكن ناكل اي هنا واشهر الاكلات اللي في بورسعيد بس
**جميع المؤكلات البحريه اللي تخطر على بالك.
(جمبري.. كابوريا.. سبيط”اسمها سيبيا فالبورسعيدي”?… في كمان شيكال “تحت مسمى صراصير البحر ?*.. خلول.. باكلاويز?)…… والبطاااااارخ?
** في كمان هنا تحليه مختلفه تماما (كاساتا- وسمنيه وتمريه.)
دي الاكلات المميزه طبعا في اكلات متخصصه في الاكل♥️ الايطالي?? والصيني?? والهندي?? والسوشي *يباني باين*?
…..
لو انتا بقي بتحب البحر فيا اهلا وسهلا وبالمناسبة الشواطئ في بورسعيد عامه مش خاصه وعلى فكره كويسه جدا جدا وفيها منقذين وخدمات شرطه واسعافات واماكن لتغير الملابس وخلافه♥️
… ??كمان في شواطئ خاصه وسعرها مش بيتعدى ال ٣٠ جنيه للفرد…..
**صيفا يا جماعه **
…..
في كمان في بورسعيد مجموعه مولات? ومجمعات للمطاعم والكافيهات طبعا دول غير اللي ع الشواطئ وبالمناسبه الشباب هنا عملو Bikes?? لبيع المأكولات السريعه take away ? زي اوروبا فالموضوع جميل جدا وهيعجبكو.
….
لو انتا من عشاق البرندات Brands
عندنا تقريبا في كل البرندات سواء كانت للملابس او للاكل
ماكدونالدز… كنتاكي… بيتزا هات… اديداس… اكتيف.. تاون تيم…وغيره ?
….
ممكن تروح بورسعيد من خلال
سوبر جيت مثلا ودا تكلفته من ٦٠ الي ٦٥ جنيه من القاهره
لو قطار ممكن من ١١ الي ١٥ مثلا من القاهر او اسكندريه
…
بورسعيد مشهوره بالعربيات الهوندا سيفك *٣ نقط فوق ال فاء?*?… وكمان ليها يوم مخصوص سنويا للاستعراض
…
وسائل المواصلات هنا حاجتين اساسيتين
التاكسي (ابيض في ازرق) وسعره من ٩ الي ١١ جنيه
والميكروباص ودا اجر ثابت ٢وربع (خلي معاك فكه??)
ولو حابب اوبر او كريم عيش وتعايش ♥️?
….
اهم الاماكن في بورسعيد ممكن تزورها.??
*شارع طرع البحر
*الممشى السياحي (بالمناسبه الأجانب بياخدو ترانزيت هناك)
*دليسبس ( ودا المكان اللي كان موجود فيه ثمثال فيردنالد دليسبس مهندس الفرنسي اللي عمل قناه السويس)
*هتشوف طبعا فنار بورسعيد (اول بناء خرساني فالشرق الاوسط.. ويقال فالعالم كمان)
*تروح بورفؤاد بالمعديه (ودي قصه تانيه خالص.. النورس والمياه والوجه الحسن ??.. تحفه حرفيا… المعديه مجانا من بورسعيد لبورفؤاد للمشاه ولو معاك عربيه?… وبوصولك هناك احب اقولك*على جميع الساده الركاب الاستعاد للوصول لمدينه بورفؤاد اللتي تتميز بطراز اجنبي خاص و تقع في قاره اسيا *
* كمان بقي تروح تاكل كاساتا(نوع ايس كريم ايطالي) من عند سلسبيلا
*ولو هتجيب هدوم طبعا (الحميدي.. التجاري.. الثلاثيني.. وغيرهم)
*الحدائق العامه (المسله والمنتزه ع وجه الخصوص) كمان الحدائق بلا اسوار واحنا اول محافظه فالحكايه دي free
…..
لو جامد اوي بابجي وبلاي استيشن.. فعندنا مدينه الواقع الافتراضي ?
…
كمان استاد بورسعيد يا جماعه انا نسيته… تصنيف عالمي لأنو بيطل على البحر مباشرا⚽(النادي المصري.. نادي بيفرح مدينه)
…
في كمان سنيمات.. و متحف.. واسواق.. ومنتجعات.. وفنادق
♥️♥️♥️
لو هتيجي فالشتا… البس تقيل يمعلم♥️