دهب ??
لو مهما اتكلم عن البلد دي الكلام مش هيخلص
مكان مفيش زيه ف العالم من اجمل بقااع جنووب سيناء ?
اجمد حاجه ف دهب ان متعتها مش ف فنادق خمس نجوم تعد فيها دهب
متعتها ف الكامب والكوخ والقعده علي شط اللاجونا بالليل ?
انهارده هنحكلكم ع قصتنا مع دهب وهنرشحلكم احسن اماكن هيخلو رحلتك لدهب ماتتنسيش طول العمر…❤
1) البلو هول :- من احسن الاماكن الى ممكن تعمل فيها اسنوركلينج لانها فعلا مصنفا عالميا بالشعب المرجانيه
2) محميه ابو جالوم والبلو لاجون :- دى رحله باللانشات بتطلع من البلو هول بتوصل ابو جالوم بنعد ف كامبات ع البحر هناك ، بننزل نعمل اسنوركلنج هناك وفعلا فيها اجمل الشعب المرجانيه الى ممكن تشوفها ف حياتك عشان كدا اسمها ( محميه )
3) جبل الطويلات :- دي بقى يا برنس منطقة تروحها مع حبيبتك أو صحابك تعمل سهر بدوية وتتعشى هناك وكمان بيبقى في حفله D.J و Fire Show وتنوره وحفله جامده جدا بجد من اجمد السهرات الى ف دهب
4) ال 3Pools :- دي بقى يا سيدي حمامات سباحة طبيعية من مية البحر اتعملت من الشعب المرجانية، تنزل فيها وتنسى كل مشاكلك في الحياة المية هناك عظيمة وتعمل احلى اسنوركلنج و دايفنج هناك
5) وادى جنى :- دي منطقة سفاري، هتقعد وسط الصحراء، جو قريب من جبل الطويلات، وهو كمان ممتع جدًا.
6) سفارى ال Beach Bagy :- احلى رحله سفارى ممكن تعملها بتبقى ف وادى جنى بتبقى من ساعه لساعه ونص مع احلى شاى بدوى بتشربوه ف الواحه
7) منطقة الكيفز:- هناك تعمل سنوركلينج وتدخل تشوف الكهوف اللي تخت الشط ومليانة عدد كبير من الأسماك المتنوعة والشعب المرجانية وحاجة أخر آلاجة.
? اللاجونا :- شاطئ رملي تشوي على البحر بليل ونام لحد الشروق
9) اللايت هاوس:- شاطئ في قلب البلد مليان كافيهات وتعمل تان وتستمتع بجمال وسحر البلد وقدامك جبال السعوديه
10) البلولاجون :- مالديف مصر ودي مش هتكلم عنها هسيبكم تعيشوا مع الصور
11) الممشي السياحى :- ودا هتلاقى فيه احلى كافيهات ع البحر واحلى مطاعم واحلى شغلHandMade واحلى صور ممكن تتصورها ف حياتك وهنتكلم عن المطاعم والكافيهات الى هناك تحت..
✔ تعالو بقا نشوف مطاعم دهب❤
1) مطعم King Chicken :- ودا احسن مطعم مشويات ف دهب هو مشكلته الوحيده انه اعدته ف الشارع بس اكله حلو جدا واسعاره معقوله مش غاليه اوى
2)مطعم Yum Yum :- دا مينفعش تبقى ف دهب ومتفطرش عنده احلى فول وطعميه وبطاطس وكل الاكلات الشعبيه
3)مطعم Nemo :- من احلى المطاعم الى موجوده ع البحر ف دهب بيعمل مشويات وبيتزا وسي فود وكل حاجه
4) مطعم عروس البحر :- لو عاوز تاكل سمك يبقى اطلع هناك
5) قشطه وعسل :- من احسن الاماكن الى ممكن تاكل عندها حلويات
✔ تعالو نشوف احلى الكافيهات والاماكن الى ممكن تاخد عندها احلى صور الى هناك
1) كافيه EveryDay والمرجيحه
2)كافيه Same Same
3) البيت النوبي
4)كافيه بيانولا
5)كافيه الخان
6)باب الحياه 7) Why Not
دى تقريبا اهم الاماكن الى مينفعش تروح دهب وماتروحهاش? بجد دهب مش مجرد مكان بنروحه دهب دى فعلا بيتك التانى❤
دهب بيتك التانى❤
اعرف بلدك
شاهد ايضا الموضوع ده
احلي حاجه في مدينه نويبع ان كل كامب ليه استايل و جو مختلف
