تروح فين في القاهرة
ممشي أهل مصر الجديد لوحة فنية بتعكس روح وجمال مصر علي ضفاف النيل الكورنيش بقاا حاجه تانية
53 كم علي ضفاف النيل من الروعه والجمال من حلوان مرورا بالقاهرة عشان ينتهي بشبرا الخيمة
هيتم افتتاح الممشي علي عدة مراحل لحد ما يتم الانتهاء منه بالكامل هيكون فيه 62 محل و5 كافيتريا و5مطاعم و3جراج للعربيات.
فعليا افتتحوا المرحلة الاولي من الممشي طولها 1.9كم من كوبري امبابة (فندق الفيرمونت) لحد كوبري15مايو (وكالة البلح).
هتدخل الممشي ببلاش واول حاجه هتلاحظها وانت داخل ان مفيش باعة جائلين وكمان هتلاحظ ان فيه امن منتشر في كل مكان بيأمنلك المكان عشان ميحصلش اي مضايقات او معاكسات او سرقة او اي نوع من التعرض.
الممشي فيه مطاعم ومحلات وكافيهات 80% منهم فعلا اشتغل ولسه 20% بيتشطب وهيفتح قريب .
في النهاية المكان هادي ونضيف وامان وحاجه محصلتش بس دا الطبيعي ان يكون بلدنا بالشكل ده وبالجمال ده وطول عمرنا العالم كله بيجي لحد هنا عشان يشوفوا مصر
فحقيقي نصيحة لكل شخص فينا واجبنا اننا نحافظ ع جمال بلدنا ونفضل بالشكل ده وندعم اي تغير وتطوير صغير بيحصل ولو زرت ممشي اهل مصر احكيلنا عن تجربتك..سلام

العنوان ممشي اهل مصر امام ابراج النايل سيتي ابراج ساويرس اقرب محطط مترو السادات التحرير او جمال عبدالناصر

افضل اماكن الفسحه والخروج في كورنيش المعادي بالقاهرة

افضل باخرة على النيل كورنيش المعادي

اماكن هادئه للخروج في القاهره جزيرة فى قلب النيل