الباخرة نايل لوتس
ب ٦٠ جنيه فطار على باخرة في قلب النيل و تستمتع بالڤيو الجميل دا 🌅
تعالى اقولك التفاصيل عشان لما تحب تخرج و تدلع نفسك اختار الخروجة الصح 👍
الفطار دا في باخرة على كورنيش المعادي موجودة جوة مرسى النهر الخالد
القعدة على النيل فيها هدوء و روقان، فما بالك بقى لما تكون على سطح باخرة Sundeck ⛴️ و شايف المنظر الجميل دا كله من فوق، النيل على يمينك و شمالك و قصادك الناحية التانية نخل و زرع و منظر طبيعي حلو اوي
عندك كذا اختيار للفطار من ٥٠ ل ٦٠ جنيه:
الفطار الشرقي: فول طعمية جبنة بيض (مسلوق، مدحرج، اومليت عيون) “ب ٥٠ جنيه”
الفطار الفلاحي: ٤ شرايح فطير مشلتت، مع عسل اسود و طحينة و مش “جبنة قديمة” متحبشة حلو اوي “ب ٥٠ جنيه”
فطار كونتيننتال: اومليت على توست و التاني سكرامبل مع هاش بوتيتو او سوسج او ويدجيز “ب ٦٠ جنيه”
*الاسعار دي بيتضاف عليها خدمة و ضريبة
ممكن كمان تطلب سلة مخبوزات فيها انواع كتير جبنة و زيتون، مربى و انواع تانية كتير
و انت داخل من البوابة قولهم ((داخل الباخرة)) مش هتدفع تذكرة دخول
الفطار بيبدأ من ٩ الصبح لحد ١ الظهر و باقي اليوم ممكن تروح تتغدى او تتعشى
رقمهم
01050102022
العنوان
مرسى النهر الخالد، كورنيش المعادي، أمام فندق اللؤلؤة
افضل حفلة غداء اوبن بوفيه فى باخرة متحركة فى النيل
