نصائح السفر للاقصر واسوان

دليلك لقضاء رحلة شتوية مميزة بين الأقصر وأسوان

١. سافر يا إما طيران او أضعف الايمان قطار نوم غير كدة بلاش (لو الميزانية متسمحش سافر قطر درجة اولي بس متخرجش علطول عشان تعرف تواصل وياريت توصل بالليل وتنام كويس وتبدأ من اليوم التاني)
٢. بلاش الكروز هيا اه رفاهية حلوة بس هتعمل عليك قيد سخيف انها بتزنقك في الوقت
٣. احجزو البيوت في القري النوبية بأسوان او الأقصر حلوة جدا لانك مش محتاجها غير في النوم (بس تكون علي النيل مباشرة) مجرد نصيحة
٤. الكروز بردو عشان نديها حقها .. اثناء التنقل بين الاقصر واسوان او العكس تحفة وجميلة جدا وخاصة اثناء المرور بهويس اسنا 👌👌 وازاي المركب بتعدي بين منسوبين مختلفين للمياه 👍👍
٥. الارشاد الأثري مهم جدا في زيارة المعابد والمتاحف (عشان شرح تاريخ مصر القديم معقد)
٦. اسوان تحتاج لحجز ٥ ايام مقفولين عشان تستمع بيها لزيارات (السد العالي وخزان اسوان – معبد فيلة – جزيرة هيسا – جزيرة اسوان – جزيرة النباتات – القرية النوبية بغرب سهيل والبازارات – قبة الهواء ومقابر النبلاء وغيرها من أماكن كتير هتظهرلك فجاة وانت ماشي بالمركب في النيل تحب تطلعها فجاة)
لابد من الإشادة بمطعم مشويات عبير الاكل تحفة وكافيتريا ام كلثوم اللي جمب محطة قطار اسوان قعدتها تحفة
٧. الاقصر محتاجة حوالي ٣ ايام كاملين (يوم تروح وادي الملوك ومعبد حاتشبسوت وتمثالي ممنون ومصنع البلاستر – اليوم الثاني تروح معبد الكرنك وتركب الفجر البالون – اليوم الثالث تروح معبد هابو ومعبد الاقصر وطريق أبو الهول والمعروف خطأ بطريق الكباش ودة مسمي خطأ وأيضا تعمل جولة حرة في سوق الاقصر وكمان تركب حنطور)
٨. تاني اركب طيارة او قطر نوم .. بلاش كروز واحجزو بيوت رخيصة
٩. مهم جدا كوستر او باص او عربية للتنقل بين المزارات في الاقصر – أما اسوان مش مهم خالص لان التنقل فيها بالمراكب النيلية وبتبقا جولات تحفة

إزاي اسافر الاقصر واسوان ب ١٠٠٠ جنيه