عيون بيروت من افضل اماكن الفسحه والخروج في كورنيش المعادي بالقاهرة
فطار علي النيلفي المعادي ب ٦٠ جنيه و الترويقة اللبناني ب ٧٥ جنيه
و اي فطار معاه شاي او قهوة ☕ Free
دا مش مجرد فطار .. دي وصفة للسعادة
الصبح الجو بيبقى دفا و جميل في الشمس و انت قاعد عالنيل و قصادك منظر مفتوح شايف السما مع السحاب و بتشرب فنجان القهوة على صوت فيروز يعني قعدة في منتهى الروقان
عندك اختيارين احلى من بعض للفطار:
الفطار الشرقي (ب٦٠ جنيه) فول، طعمية “فلافل” جبنة بالزبادي و الخيار و الطماطم تحفة مع اومليت و بطاطس محمرة و براد شاي بالنعناع الاخضر
الفول ممكن تطلبه بالزيت عادي او بالخلطة اللبناني بالحمص و الطماطم و التوم طعمها تحفة
بس نصيحة او ما ينزل الفطار كل على طول عشان العيش اللبناني حلاوته و هو لسة طري بس لو سبته في الهوا بينشف شوية
الترويقة اللبناني ب ٧٥ جنيه
صحن مناقيش “ميني” زعتر و لحم بالعجين و جبنة مع لبنة بزيت الزيتون و زبدة و مربى و طبق خضار مع نوعين زيتون .. الزيتون اساسي في الترويقة اللبناني
بعد الفطار بقى تصب استكانة شاي او تشرب فنجان قهوة على صوت فيروز في الجو الشتوي الجميل دا .. وصفة مضمونة للروقان حتى اسمها ترويقة 😍
((اي فطار من دول ممكن تطلب معاه شاي او قهوة بنفس السعر))
المكان هادي و تحب تفضل قاعد فيه عالنيل وسط الزرع و الورود جو مريح و هتحب القعدة في المكان اوي سواء الصبح او بالليل او وقت الغروب .. بتبقى شايف الشمس بتغرب لحظة بلحظة 🌅 فيه دفايات outdoor عشان تستمتع بالڤيو و في نفس الوقت تبقى متدفي 😌
و في اختيارات كتير حلوة اوي للغداء زي الباستا بتبدا من ٦٠ جنيه
او نص فرخة مشوية ب ٧٥ جنيه او منقوشة كواترو ب ٧٥ جنيه
من اكتر المقبلات المميزة البطاطا الحارة و ورق العنب دول لازم تجربهم 👌
بيتضاف عالاسعار خدمة و ضريبة
رقمهم:
01096055553
العنوان:
كورنيش المعادي، داخل Nile point، أمام مستشفى السلام الدولي، المعادي
افضل باخرة على النيل كورنيش المعادي
اماكن هادئه للخروج في القاهره جزيرة فى قلب النيل
