تجربة رحلة اسكندرية بأقل تكاليف ممكنة

تجربة رحلة اسكندرية بأقل تكاليف ممكنة

محتاج الخلاصة فى اسكندرية؟؟😇😇
عاوز تروح تتبسط بجد وبأقل تكاليف ممكنة؟؟😊😊
اقرأ البوست دا وخليك معايا للاخر👇👇👇

👈👈👈👈 الجزء الاول…(السكن)👉👉👉👉

الطبيعي عاوز تسافر..اول حاجة بتفكر فيها تحجز شقة او فندق صح؟؟ *الفنادق….ثلاثة اقسام….. -قسم رخيص وسىء جدا(((زى بعض فنادق محطة الرمل اللى بتتسمى “بنسيون”)))) ودى من 150 جنية ل200 جنية ف الليلة وطبعا الفرش والغرفة مش نضيفة ولاتصلح الا للضرورة القصوى فقط -قسم متوسط والى حد ما نظيف 3 نجوم ((زى فنادق فى كليوباترا وسيدى جابر))) ودة بيبدأمن 550 جنية لليلة وحتى 1000 جنية ويمكن حجزة عن طريق موقع (ww.booking.com) -قسم غالى جدا ونظيف و 5 نجوم (((زى الهيلتون والفور سيزون وغيرهم))) ودة بيبدأ من 1500 جنية حتى الى ماشاء الله *الشقق… نصيحتى تأجير شقق وخاصة من ملاكها وليس سماسرة “مع العلم انة هناك عدة سماسرة لديهم ضمير ولكن الافضل الملاك” الشقق تتراوح مابين 150 جنية ف اليوم حتى 1000 جنية حسب اختيارك يعنى لو بتدور على فيو البحر وشايف البحر بوضوح متدورش على نظافة الشقة والعفش….او لو بتدور على نظافة شقة وعفش ممتاز بدون فيو البحر او جوة خالص فأنت بتتكلم فى سعر يتراوح مابين 250 ل500 جنية …طب لو عاوز الفيو والعفش الممتاز يبقى بتتكلم بداية من 550 جنية وحتى 1000 جنية واكثر واكثر اماكن يمكنك التاجير فيها بكل سهولة هى “ميامى – سيدى بشر- العصافرة – المندرة – المنتزة – سيدى جابر عمارات مصطفى كامل للضباط ” تسليم الشقة بيبقى الساعة 12 الضهر لحد تانى يوم 12 الضهر بيتحسب يوم كامل يعنى لو رايح النهاردة مثلا الساعة 10 مساءا ..فأنت هتتحاسب على دفع يوم كامل من 10 مساءا حتى 12 الظهر تانى يوم ولو هتقعد بعد كدا يبقى تدفع يوم اخر جديد ويستحسن فى كل الاحوال تظبيط شقة او فندق قبل السفر وخاصة لو مسافر بخطيبتك او مراتك او اسرة كبيرة عشان ميحصلش بهدلة ودة عن طريق موقع (بوكينج… او اوليكس .. او جروبات الفيس المنتشرة عن العقارات) الخلااااااااصة****لو معاك فلوس كتير ومقتدر يبقى اسكن فى فندق غالى على البحر عشان تستمتع اما لو معاك فلوس على القد يبقى احجز شقة وهتتبسط برضو مع العلم ان الشقة اللى هتحجزها لو لقيت شقة نظيفة وعفش متميز يبقى الفيو بتاع البحر مش هتلاقية والعكس مش كل حاجة هتلاقيها ف شقة واحدة طالما فلوسك عالقد

👈👈👈👈الجزء الثاانى … (المواصلات)👉👉👉👉

بما انك حجزت الشقة وعرفت هتقعد فين بالضبط…يبقى نشوف بقى هتروح ازاى….. لو انت من القاهرة “بما انى مجربتش اسافر من مكان تانى لاسكندرية قبل كدا” فأنا هقول من القاهرة تروح ازاى فية الف طريقة ومواصلة تروح بيها لحد هناك..اشهرهم:-

1- ميكروباصات من رمسيس.. وانا مش بفضلها لان احيانا رغم انها بتوصل بسرعة بس مش امان والسواقين من راكزين سعرها مابين 50 ل70 جنية حسب المواسم والاعياد مدة الرحلة – بيوصلو من ساعتين ل3 ساعات مميزاتة – اسرع من اى مواصلة على الاطلاق وارخص من غيرة عيوبة – غير أمن ..وقد تنتظر فى الموقف ساعتين بسبب عدم اكتمال الميكروباص بالركاب وضيق فى الكراسى مكان وصولة – اى مكان بالاسكندرية بداية من الكيلو 21 حتى ميامى وحسب الاتفاق مع السائق مواعيدة – ملوش مواعيد وف اى وقت بيطلع من اليوم
2- سوبر جيت من ميدان عبد المنعم رياض بالتحرير او الترجمان بالقللى عند رمسيس او الماظة …وفية شركات كتير اشهرهم (الاتحاد العربى سوبر جيت – جو باص – شرق الدلتا – وسط وغرب الدلتا – بلو باص ) وافضلهم عن تجربة (جو باص) او (الاتحاد العربى ولكن VIP فقط) واحيانا (وسط وغرب الدلتا) وسعرهم بيتراوح مابين 80 جنية حتى 150 جنية للفرد مدة الرحلة – وصولهم من ساعتين ونصف حتى 3 ساعات ونصف مميزاتة – أمن والتكييف بداخلة مضبوط …وتوقيت المغادرة مضبوط حتى لو كان هناك راكب واحد فقط ..وبيوصل لموقف اسمة محرم بيك او الموقف الجديد اللى كلة ميكروباصات “مشاريع كما يطلق عليهم فى اسكندرية” بتروح كل مكان هناك …سريع ..يمكن التحكم فى التكييف بكل سهولة “فوق راسك مباشرة” عيوبة – كراسية ضيقة مابين الكرسى والكرسى اللى قدامة..وقد تطول عدد ساعات السفر بسبب زحمة الطريق عند الخروج من القاهرة فقد تصل الى ساعة كاملة او اكثر للخروج من القاهرة فى وقت الذروة لتصل الى بواابات المؤدية الى الاسكندرية مكان وصولة – موقف محرم بيك او مايسمى بالموقف الجديد “اللى متوفر بية مشاريع لاى مكان بالاسكندرية”….او ميامى داخل الاسكندرية مواعيدة – على مدار اليوم كل ساعة تقريبا بداية من 6 ونص الصبح حتى
3- القطار من محطة مصر برمسيس سعره – بيبدأ من 57 جنية وحتى 72 جنية و104 جنية و130 جنية مدة الرحلة – من 3 ساعات حتى 4 ساعات مميزاتة – الكراسى مريحة جدا ومتباعدة عن بعض وتقدر تقعد بكل ارتياحية … منظم جدا من حيث الجلوس والكراسى عيوبة – بياخد وقت ف الوصول اطول من غيرة …. تكييفة عالى ومركزى وقد تحتاج الى ملابس ثقيلة احيانا للتدفئة فى عز حرارة الصيف وللاطفال خاصة مكان وصولة – سيدى جابر او محطة مصر …اللى هينزل ومأجر شقة او فندق ناحية ميامى والعصافرة ينزل الافضل سيدى جابر…انما لو مأجر ف محطة الرمل او المنشية او بحرى او الاماكن دى تنزل محطة مصر مواعيدة – من الساعة 6 الصبح حتى العاشرة مساءا بمعدل كل 3 ساعات تقريبا او اقل وكل المواصلات دى ممكن تتحجز عن طريق النت كالاتى:
1-الميكروباص * لايمكن حجزة عن طريق الانترنت
2- السوبر جيت * يمكن حجزة عن طريق موقع الشركة بالدفع بالفيزا فى نفس يوم الرحلة بدون بيانات المسافرين
3- القطار * يمكن حجزة عن طريق موقع السكة الحديد ولكن قبل ميعاد سفرك ب24 ساعة كاملة ولابد من تسجيل مستخدم جديد على الموقع لامكانية الحجز مع كتابة بيانات المسافرين كلهم (رقم البطاقة والاسم بالكامل والعنوان والسن) الخلااااااااصة****كل مواصلة وليها عيوبها وليها مميزاتها حسب ذوقك واختيارك وراحتك بس فى العام افضل سفر هو سفر من الساعة 6 الصبح حتى 8 صباحا بعيدا عن الزحام والحر ويكون الوصول بأسرع وقت

👈👈👈👈الجزء الثالث … (اماكن الاكلات)👉👉👉

جينا بقى لاهم نقطة واجمل مافى الموضوع كلة …جزء الهام ياااااااااام (الاكل اللذيذ والكرش العزيز)
عاوز أحسن أماكن اكل فيها؟ عاوز تستغلها صح؟
جوعت؟ 😁😁😁
طب تعالي بقي☺☺☺

عاوز تفطر؟؟؟…

1- ألبان سويسرا 😋 – المكان فى (كامب شيزار) هتلاقى (زهرة دمشق) اكل سورى ادخل الشارع بتاعة للاخر ف شمال هتلاقيه.. بس مفيش الا تيك اواى وبيتراوح سعر الطبق فية من 20 جنية لحد 45 جنية بيبقى اى حاجة تتخيلها بالجبنة السايحة جمبرى بسطرمة بيض كل حاجة بالجبنة السايحة افتكاسات جامدة مع الفينو بقى..بس الانتظار من نص ساعة لساعة عشان تستلم الاوردر من الضغط بيدي لكل طبق 3 فينو بس ..فية بعدة بشارع فرن فينو هات منة اللى تحبة على قدك فينو (المكان / كامب شيزار) زى ماقولنا والافضل الافتكاسات عندهم يعنى بلاش مشكل جبن وبس لا …حط حاجات كتير علية او اطلب بطاطس وبسطرمة مع الجبنة او جمبرى او سجق مع الجبنة كدا يعنى هتقولى فطار سجق وجمبرى ف الجبنة السايحة؟؟ هقولك جرب وادعيلى بيفتح من الساعة 10 الصبح 💝💝
2- فول وفلافل😊 .. مطعم (محمد احمد) فى محطة الرمل …ودا اسعارة بقت غالية شوية وفية ناس مش بتحبة وناس تانية بتدمنة…ودة من اقدم المحلات فى اسكندرية فول وفلافل ولو إنتم ٤ أفراد هتدفعو ١٢٠ج تقريبآ ودا ف شارع شكور متفرع شارع سعد زغلول بمحطة الرمل 💝💝
3- مطعم (جاد) .. طبعا هو غالى وممكن تطلب كام ساندوتش تلاقيك دافع 50 جنية بس فية ناس بتحب العيش بتاعة مع الفول او البطاطس وفروعة مليااااااانة فى الاسكندرية بس احلاهم وعن تجربة هو فرع محطة الرمل اللى جنب سينما راديو وبعد سينما مترو مباشرة 💝💝
4-( ديليس او تريانون) .. كافية ومطعم بمحطة الرمل …الفرق بينهم ان تريانون على البحر فالفيو اجمل وديليس جوة شوية دة للى معاة خطيبتة او عاوز يقعد قعدة غالية شوية بس فطار كلاسيك وبسيط جدا مع فنجان قهوة كلاسيكي كدا يبقى يقعد هناك وتقدر تقول برضو ممكن تقعد تطلب 3 كرواسون مع 3 قهوة مثلا هتدفع 250 او 300 جنية مثلا وتقدر تقول على ديليس ..انة حلوانى اقرب منة انة يكون كافية بس حاجة يونانى راقية جدا تحديدا عنوان ديليس …ده ف شارع سعد زغلول عند محطة الرمل..عنده أحلي كل حاجة بجد حلواني يوناني مصري تحفة وأسعارة من ٣٥ج ل ٧٠ج تورته جاتوة قهوة كل حاجة تحفة بجد 💝💝

عاوز تتغدى….

1- طب احلى اكل سورى؟؟😊 مطعم كرم الشام …مكانة (فى سوتر او الازاريطة على الترام علطول … وفرع جديد امام قصر المنتزة اول شارع الملك ) احلى ماعندة شاورما سورى فرنساوى التنين (60 جنية) وساندوتش كرسبى زنجر بالكول سلو ب35 جنية ورغيف ماريا باللحمة بالموتزريلا (55 جنية) برجر لحم (30 جنية) وكل حاجة حلوة بصراحة حتى الفراخ المشوية السورى بس الانتظار للاوردر من ساعة لساعتين ومفيش عندة صالة يعنى تيك اواى فقط 💝💝
2- محل اسماك شعبى رخيص بس تحفة وفريش جدا تاخد الاكل منة وتاكل عالبحر او ف البيت (اسماك الحبشى) مكانة امام جزارة السلام بشارع خالد بن الوليد بميامى .. بتنقى الحاجة نية وتخلية يعملهالك وحلو جدا وعنده صالة مكيفة عنوانة(179 شارع خالد بن الوليد، سيدي بشر بحري، اول المنتزه، الإسكندرية امام جزارة السلام) 💝💝
3- محل اسماك غالى حبتين بس حلو اوى وحركات وطواجن بقى😋 (اسماك روبيان) فى منطقة جمال عبد الناصر 45 عنوانة بالضبط(366 شارع جمال عبد الناصر – العصافرة بحري – أمام مدرسة عزيز أباظة, ‏الإسكندرية‏) 💝💝
4- اسماك اللول … تروحة ازاى؟؟ تركب من محطة الرمل او المنشية ميني باص تقولة عاوز انزل عند اللول فى المكس وبس كدا عند الفنار الواطى اسعارة حلوة وقعدتة تجنن مع ريحة اليود ومفيش لاضريبة ولا شغل خدمة ولا السلطة بكذا ولا الكلام الفاضى دا عنده الأكل فريش جدآ وريحة اليود حلوة ااوي وقعدته بسيطة وروعة وصحاب وعمال المحل بجد ولاد حلال جدآ…ومن افضل القعدات والاماكن لمطعم بسيط على البحر وامام فنارة الاسكندرية وعلى البحر مباشرة وبدون اى مغالاة ف الاسعار حيث يتراوح سعر كيلو السمك الدينيس 280 جنية والقاروص كذلك والجمبرى من 400 جنية حتى 600 جنية حسب حجمة (بس هتدعيلى لو روحت بجد هناك) واهم حاجة براد الشاى بالنعناع بعد المغرب كدا المكان الوحيد اللى هتشم فية ريحة اليود وجمال البحر وعظمة المكان ببساطتة 💝💝
5- ابو صلاح سى فود … تروحة ازاى؟؟ 13 شارع العيسوى سيدى بشر بحرى …ساندوتشات جمبرى 35 جنية وساندوتشات سبيط 35 جنية وميكس ب40جنية ومخصوص بيبقى 60 جنية ودا احلى ساندوتش ف الفينو حاجة كدا وهم بجد 💝💝
6-ليك فى البيتزا والفطاير؟؟ (القلاع) عند كامب شيزار وعنوانة(84شارع بورسعيد – كامب شيزار) ودة جنب البان سويسرا علطول 💝💝
7-محلات كبدة (وهبه) عنوانة ٥ زاهر جلال بشارع النبي دانيال بالمنشية بحري أطلب طبق كبدة مشكل فظيع وريحة الكبدة رهيبه جرب بس 💝💝
8-كبدة(فرج أبو خالد) عنوانة ٣٢ شارع السيد محمد كريم بأبو العباس ترام_بحري فقط لعشاق الكبدة والسجق واللحوم هو أغلي من كبدة الفلاح(اللي عمري ماقتنعت بية) بس ف الطعم والأصناف لايقارن بحد تاني فعلآ 💝💝
9- فطاير (دهب) عنوانة 182 ش عمر لطفى أمام محطة ترام سبورتنج ودة يعتبر اشهر محل فطائر فى اسكندرية كلها وجرررررررب عمرك ماهتندم 💝💝
10-قرية واحة خطاب… أحلي أكل بدوي ف الدنيا وقعدة عربي كأنك ف البيت بالضبط وبتقلع الشوز وتقعد تتفرج علي الشغالين ف المطعم وهما بيطيرو ويجرو عشان يلحقو يقدمولك الأكل سخن مولع .. عنوانة(طريق مطار برج العرب-طريق الساحل الشمالي-بهيج قسم برج العرب
الخلااااااااصة****كل واحد لة ذوق فى الاكل سواء كان اسكندرانى او قهراوى او اى شخص ف الدنيا بس اسكندرية معروفة انها عندها مطاعم اكلها يجنن ونظيف جدا وكل حاجة عاوزها هتلاقيها فعلا

👈👈👈👈الجزء الرابع….(الكافيهات والحلويات)👉👉👉👉

1- صابر الحلوانى 😋– احلى رز بلبن ب26 جنية بالمكسرات والقشطة وعندة ايس كريم وحلويات شرقى تجنن .. مكانة؟؟ بعد القلعة بشوية عالكورنيش وبعد جيلاتى عزة وجنب جيلاتى النظامى بالضبط (المكان / بحرى الجمرك عالكورنيش) بس افضل فرع واكبر فرع الرئيسى هناك بالابراهيمية وعنوانة( 47 ش عمر زعفان الابراهيمية الاسكندرية) وعندة مايقرب من 30 فرع بالاسكندرية والقاهرة 💝💝
2- حلويات شيك وجميلة وزى لابوار عندنا واحلى😋 (حلوانى طلعت) فى جليم عالبحر بس تعدى الطريق بعد ماتدى ضهرك للبحر..دوق البسبوسة المغربى عندة تحفة…والبانر بتاع المحل باللون الازرق 💝💝
3- (كافية بانوراما )– هو كمشروبات وحش جدا بس ممكن تتطلب كانز مقفول او حاجات معلبات بس قعدتة بعتبرها اجمل قعدة فى اسكندرية عالبحر من ناحية كافية واسعارة بتتراوح للمشروب من 25 جنية ل50جنية بالضريبة (المكان فى كامب شيزار) نفس المنطقة اللى فيها البان سويسرا بس دا عالبحر علطول 💝💝
4-عاوز قعدة من الاخر تحفة وغالية للاسف… تيفولى دوم او سانتوس (المكان / سيدى جابر منطقة مصطفى كامل ) عند world gym كوبرى دة مجمع كافيهات كل كافيهات مصر تقريبا جواة بس غالى ولكن تحففففففففففة جدا وقعدتة ووووووهم 💝💝
5- عاوز كافية تانى 💗(لاتينو او gleem bay مجمع كافيهات) مكانهم فى جليم عالبحر قعدتهم روعة برضو بس زحمة جدا وغالية برضو وخاصة “جليم باى” ومن بعد الساعة 5 اغلب الكافيهات بنظام المينمم شارج 150 جنية ل200 جنية 💝💝
6- كافية wave لة كذا فرع وحلو جدا بس غالى برضو زى باقى الكافيهات 💝💝
7-(ديليس) ده حلويات شيك جدآ وأسعارة تتراوح مابين ٢٥ لقطعة الجاتوة حتي ٥٠ج قطعة تشيز كيك ودا المحل من سنة ١٩٢٢ حاجة كدا جو تاني بجد والمحل بيحسسك إنك ف اليونان بالأغاني والديكورات بتاعته .. حتي الحمام عندهم وهم.. جرب من عندهم التشيز كيك والتورته مكانة..شارع سعد زغلول محطة الرمل بعد الترام الخلااااااااصة****كورنيش اسكندرية كلة كافيهات متميزة جدا زى (ويف – ماليمبو – مورانو – بانوراما – تافرينا – بهجة – 26يوليو – لونا بارك ) واسعارهم متقاربة جدا بس بتفرق قعداتهم ومشروباتهم من مكان للتانى

👈👈👈👈الجزء الخامس….(الفسح والخروجات)👉👉👉👉
1- اتوبيس اللى بدورين الاحمر 🤩🤩 دا يتركب من قدام المنتزة بالضبط عالبحر..تطلع فوق وتقعد على اليمين عشان تشوف البحر وانت ماشي بية وتذكرتة ب15 جنية بيلف الكورنيش كلة لحد القلعة وبحرى بس احسن وقت لركوبة بعد 6 العصر الشمس بتكسر والمنظر عالبحر رووووووعة متركبوش ف الرجوع لان الرجوع بيبقى ناحية التانية من البحر مش حلو اوى 💝💝
2- الترام المكيف 💗..ب 5 جنية بيتركب من محطة الرمل حتى سان ستيفانو… مكيف وجواة اغانى اسكندرية وحاجة تحفة بصراحة 💝💝
3- شارع فؤاد😳 – فى محطة الرمل من اجمل شوارع اسكندرية فعلا بدون منازع ف الشياكة وكأنك بلاد برة وكافيهات ايطالى واسبانى وانجليزي واحلى صور هناك 💝💝
4 – مول سان ستيفانو😉… مول جميل جدا فى حى سان ستيفانو مليان اشيك البرندات والاماكن وحلو اوى وشيك بجد وجواة مطعم فريش ماركت من احلى انواع السوشى هناك جواة وانضفهم وكل حاجة فريش جدا بس غالى حبتين تلاتة اربعة ههههههه 💝💝
5- الشواطىء المفتوحة (شاطىء 26 يوليو + شاطىء المندرة ) والدخول للفرد 100 جنية وشديد الزحام وشاطىء (نادى 6 اكتوبر بالانفوشى) والدخول فى حدود 20 جنية للفرد الواحد شاطئ أبو قير قوات مسلحة الفرد ٣٠ج شاملة٤كراسي وشمسية بس شاطئ أغلبه صخري اما لو معاك فلوس وعاوز شاطىء سياحي فبيتراوح سعر الفرد من 400 جنية ل2500 ف اليوم 💝💝 .
6- ملاهى المعمورة او مايعرف (كوتا بارك) دى ملاهى زى القاهرة كدا “دريم بارك الاسكندرية” .. سعر دخول المعمورة 20 جنية ودخول الملاهى 5 جنية للفرد..واسعار الالعاب تبدأ من 5 جنية حتى 35 جنية للعبة الواحدة 💝💝
7-مول (جرين بلازا) واللى يعتبر تانى اجمل مول فى الاسكندرية بعد سان ستيفانو علطول.. ومكانة بمنطقة سموحة وجواة سينما والعاب ترفيهية وفندق متميز جدابس يعيب المول دا انة بعيد عن البحر تماما
الخلااااااااصة **** اسكندرية كفسح وخروجات تتلف فى 5 ايام او اقل لكن كبحر وكمدينة لايكفيك مئات الايام حتى تشبع منها ومن جمالها الساحر
ده بإختصار أحسن حاجات في إسكندرية بجد

وسم : /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*