حكايتي مع بورسعيد ? ?
اللي نفسه من زمان يغير جو في بورسعيد يلا احكيلكم احلي بروجرام ?
هندخل بورسعيد الساعة 9 الصبح
1 . هنبدأ وجهتنا بحديقة المسلة نركن عربيتنا و نستريح من السفر و هنشتري فطارنا من مطعم غنيم الشهير و نرجع أمام المسلة نتصور مع الحمام المنتشر علي الأرض و نفطره معانا ??
2 . هنتحرك الساعة 10 وربع الي المتحف الحربي و جولة ثقافية و تاريخية هنشوف بانوراما حرب 73 و مقتنيات الحرب و الدبابات الإسرائيلية المهزومة و نتصور فوقها ?
3 . الساعة 11 هنتمشي علي الشاطىء الجميل من اول سفينة المطعم العائم
يمينا حتي نهايته ” شاطيء دعية بيتش ”
هنستريح هناك و نشرب مشروبنا المفضل و نستمتع بالديكور الجميل و القعدة المميزة علي البحر مباشرة ??
4 . هنتحرك الساعة 1ظ من الشاطيء الي المعدية بإتجاه بورفؤاد ?
و أول ما العربية تدخل المعدية هننزل نتفرج علي قناة السويس و نعمل حسابنا في عيش بلدي متقطع هنرميه في المياه و هنتلاقي طيور النورس كتير بطيير حوالينا و ياكلوه ” المشهد الشهير “
5 . دخول بورفؤاد بإتجاه منطقة الڤلل القديمة الفرنساوي وڤيلا السادات و هنتفرج علي المباني الجميلة من أيام الفرنساوي
ملحوظة مسلسل ليالي اوجيني أتصور هناك ☺
6. العودة لبورسعيد مرة أخري و ركوب المعدية هتكون الساعة 2.5 ظ تقريبا .. وهنا تختاروا اما جولة حرة في سوق التجاري و سوق البالة للملابس السكند هاند و الاستوكات أو الغذاء ?
7 .لو هتختاروا الغذاء هتروحوا سوق السمك الجديد اللي في الصورة ده تشتروا أجمل و ارخص سمك مبطرخ هتاكلوه في حياتكم و الشوي و الترابيزات المجانية والحمامات موجودة داخل السوق! ??
6 . هنتفسح في شارع طرح البحر الشهير الموجود بالصور بداية من جامع السلام حتي نهاية قرية مرحبا هنتفرج علي المولات و الأشجار المضيئة و الميادين الجديدة حتي محل ايس لاند هنتحلي بالايس كريم او زلابية بالنيوتيلا من امامه ?❄
7 . هنتحرك علي الأرجل يمينا لشارع مصر 3/7 السياحى و الإستراحة هناك و إلتقاط الصور الجماعية ?? ★
8 . الذهاب مساءا الي ستايل سكوير ???
مرحلة المتعة ? هنلاقي هناك ملاهي راقية جدا و مجمع مطاعم و كافيهات سياحية و الدخول عامة مجانا و اللي يعجبوا مكان يقعد و يطلب اللي يحبه
9 . كده اليوم خلص بس قبل ما نودع بورسعيد مش هننسي نشتري الهدايا و الشيكولاتات المستوردة و النسكافيه الرخيص من علوش الشهير بالبازار??
10 . التحرك لشارع محمد علي و المغادرة من منفذ النصر الجمركي و مع الف سلامة ??
11 . اختياري !! أماكن مميزة للجولة الحرة ( ممشي دليسيبس – كاساتا سلسبيلا الرائعة – مشروبات جلال Starbucks – حديقة فريال – حلويات عبده سالم – بورجر مودز )
اتمني أكون وفيت و تنورونا دايما في بورسعيد

التجربة منقولة من صفحة Ayman Abu Elhussin تابعو
تصوير و فكرة : أيمن أبو الحسين