حديقة الميريلاند بارك

حديقة الميريلاند بارك

Merryland Park
دورنا على احدث حديقة في مصر لاقيناها حديقة المريلاند
و على فكرة التذكرة ب ٣٠ جنيه في العيد
بس اي طفل اقل من ٥ سنين بيدخل مجانا

السنة دي عاملين تجهيزات جامدة اوي بمناسبة العيد و طول فترة العيد عاملين احتفالات و هيجيبوا عرايس ديزني و مسابقات للاطفال دا غير البلياتشو و الساحر و كمان DJ

الحديقة مساحتها 16فدان و دلوقتي بعد ما اتجددت بقى نافورتين ارضية و شلالين و Landscape روعة، لدرجة إن مصورين كتير بيحبوا يصوروا فيها Photo sessions
و كل 10 متر هتلاقي حاجة مميزة تتصور عندها و من اكتر من زاويا كمان .. دخول الكاميرا البروفيشنال ب ٦٠٠ جنيه و تذكرة كل واحد بس

غير كدة هتلاقي فيها kid’s area للاطفال و طفطف بيعمل جولة في الحديقة للاطفال و الزوحليقة الكبيرة اووووي دي 😆 و معاهم كمان “Slyd’ سكوتر بالكهرباء للاطفال

تقدر تيجي تقضي يومك كامل في الحديقة و مش هتحتاج اي حاجة من برة، حتى الاكل موجود داخل الحديقة نفسها، هتلاقي trucks للمشروبات و الأكلات الخفيفة و الآيس كريم و الفشار و غزل البنات و كل الحاجات اللي كنا بنحبها و احنا صغيرين

كمان ممكن تعمل عيد ميلاد، خطوبةاو فرح و اي مناسبة و بيتعمل events كمان بالتنسيق مع ادارة الحديقة

قبل ما تتفرج علي الصور بنرشحلك المكان ده
حديقة الازهر بارك

وسم : / / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*