كابينة طيارة بجد ISim Egypt Flight Simulator

كابينة طيارة بجد ISim Egypt Flight Simulator

ISim Egypt Flight Simulator
بصوا اللى فى الصور دى كابينة طيارة بجد …وحضرتك هتبقى الطيار اللى هيطلع بالطيارة

عاوز تروح المالديف هتروح عاوز تروح دبى هتروح وهتشوف كل حاجة بجد

انت اه ممكن تكون ركبت طيارة قبل كدة بس عمرك ما جربت تدخل الكابينة وتشوف الدنيا بجد جوة .. وتشوف كل زرار ودراع بيعمل ايه
وعلى فكرة دى تجربة طيران بجد وفى ناس بتدرب على الطيران فيها بجد وعمرها ما هتبقى زى ألعاب كمبيوتر ولا فيديو جيم
انت فعلا هتعيش جوة الطيارة بجد
جتلك الفرصة انك تعيش دور الطيار على نفسك 😊 وهتعيش تجربة طيران بجد بنسبة تفوق ال 90 % لأول مرة فى مصر

وانت هتركب طيارة بجد وهتطلع وتختار تطلع من مطار أيه وتوصل فين وهتعيش تجربة الطيران كلها بجد ( تخيل أنك بتختار من 26500 مطار حوالين العالم ) العالم🌏 ومش بس كده انت كمان بتختار وقت الرحلة سواء وقت الفجر أو بالنهار🌕 أو بالليل🌙 .. طب تعرف ان لو مثلا الجو ممطر في مطار القاهرة وانت اخترت الرحلة تكون من هناك ان الجو عندك بيكون ممطر برضه

دة مكان فى سيتى ستارز معمول جواة كابينة طيارة بماكيت حقيقى بنسبة 1 : 1 يعنى كل حاجة بحجمها الطبيعى .. وبتبتدى الرحلة ومعاك حد فى الاول طبعا لان الطيارة انت بتتحكم فيها بجد من تظبيط الارتفاعات والأقلاع والهبوط والميزة الاحلى أنك بتطلع تشوف اى دولة انت عاوزها من فوق بكل تفاصيلها ومعالمها ..

طيب لو معاك أطفال ؟؟؟ لو أقل من 10 سنين ممكن يقعد على رجلك ( بس كدة هتبقى سواق طيارة مش طيار 😊 😊 )
الربع ساعه ب 300 جنية
والنص ساعه ب 500 والساعه كاملة ب 700 واحنا لما روحنا أختارنا الساعه كاملة وطلعنا فوق بتاع 4 دوول نتفرج عليهم

العنوان : سيتى ستارز مول الدور الرابع المرحلة الثانية بجوار مطعم أبو السيد

التليفون : 01065473010

قبل ما تتفرج علي الصور بنرشحلك المكان ده
ادرينالين بارك اكتوبر

وسم : / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*