لية لازم تسافر بورسعيد

لية لازم تسافر بورسعيد

ليه لازم تزور بورسعيد النهاردة قبل بكرة؟ ❤
1- لو بتحب الهدوء ف بورسعيد مدينة هادية وجميلة ورايقة جداً
2- لو بتحب الشوكولاته ف هناك هتروح وهترجع وانت ايدك صندوق شوكولاته لان هناك هتلاقي انواع عالمية وباسعار رخيصة جداً مقارنة بسعرها الاصلي
3- بتحب السمك؟ هتاكل احسن سمك وطازة ولسه طالع بيتنطط قصاد عينك
4- عاوز تركب مواصلات ببلاش؟ هتروح وتركب المعدية وتعدي من قارة افريقيا لقارة آسيا ببلاش 😂😂❤
5- البحر عندهم من غير فلوس وبادوب بتدفع بس تمن الكرسي والترابيزة اللي بتقعد عليهم، متنساش تاخد صدف من اللي هتلاقيهم على شط البحى في بورفؤاد
6- بتحب تعمل شوبينج؟ لو روحت التجاري هتلاقي هناك هدوم ماركات عالمية وباسعار مش غالية
7- بتحب مسلسل friends؟ فيه هناك مكان واخد الديكور بتاع المسلسل وهترجع من هناك وانت عاوز تكلم چوي
8- المباني شكلها حلو اوي ونضيف والهوا بتاعهم مفيهوش التلوث اللي موجود في القاهرة وكمان شكل البيوت بتاعت عمال هيئة قناة السويس شقه البيوت الاوروبية بالظبط
9- تقدر تلف بورسعيد كلها في يوم واحد والتاكسي هناك مش غالي نهائي
10- البورسعيدية ناس لطيفة وجمال اوي وهترجع بتجربة من هناك مش هتنساها وهتبقى عاوز تكررها كتير!
طب اسافر بورسعيد ازاي؟ السوبر چيت ليه مواعيد كل ساعة من الماظة
طب اسافر بورسعيد امتى؟ يوم الجمعة، هتحس انك لوحدك في الشارع
لازم يكون معايا فلوس كتير؟ لا مش لازم كلم صحابك واتوكلوا على الله

قبل ما تتفرج علي الصور بنرشحلك المكان ده
ازاى تقضى يوم فى بورسعيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*