ليه هتزور بورسعيد في الشتاء

ليه هتزور بورسعيد في الشتاء

ليه هتزور بورسعيد في الشتا
بورسعيد المدينة التي تطل على ناصية العالم ( زي ما بحب أسميها ) , البلد دي تم ظلمها حرفياً لانها اتحطت في كونها مكان ممكن تروح تشتري منه لبس او شوكولاته وبس اللي بينزل بورسعيد وميلفش ويشوف البلد هيروح منه حاجات كتير على الأقل تاريخياً او جمالياً طبقاً لمعلومات موقع ويكيبيديا ( مدينة مصرية ساحلية تلقب باسم المدينة الباسلة، وتمثل العاصمة الإدارية لمحافظة بورسعيد التي تضم أيضاً مدينة بورفؤاد. تقع شمال شرق مصر في موقع متميز على رأس المدخل الشمالي لقناة السويس. يحدها شمالاً البحر المتوسط، وشرقاً مدينة بورفؤاد الواقعة في شبه جزيرة سيناء، وجنوباً محافظة الإسماعيلية، وغرباً ثلاث محافظات هي (محافظة دمياط من الشمال الغربي، محافظة الدقهلية من الغرب، محافظة الشرقية من الجنوب الغربي). تبلغ مساحتها 845.445 كم² تقريباً ) والموقع كمان بيقول ان المدينة ( تضم العديد من المعالم المميزة، أهمها ميناء بورسعيد الذي يعد من أهم موانئ مصر، ومبنى هيئة قناة السويس وهو أحد أهم آثار المدينة، وفنار بورسعيد القديم. بالإضافة إلى العديد من المتاحف مثل متحف بورسعيد الحربي الذي يوثق لحقبة العدوان الثلاثي على المدينة، ومتحف بورسعيد القومي الذي يعرض آثاراً من مختلف الحقب التاريخية المصرية فضلاً عن تاريخ بورسعيد منذ إنشائها سنة 1859 وحتى العصر الحديث، ومتحف النصر للفن الحديث الذي يضم 75 عملاً فنياً لكبار فناني مصر في مختلف أفرع الفن التشكيلي. بدأ العمل على إنشاء المدينة في عهد والي مصر الخديوي سعيد وذلك في 25 أبريل 1859 عندما بدأ فرديناند دي لسبس مشروع حفر قناة السويس. )
احنا كمدينة عمرها صغير مقارنة طبعاً بالمدن المصرية العريقة بس تاريخ المدينة كبير وطبعاً الكل عارفة ( غالباً ) يعني
بس الي محدش يعرفه ان بورسعيد في الشتا بتتميز بجو جميل يعني حرفياً لو انت زورتها في النوات الي ممكن نتكلم عنها في بوست تاني والدنيا كانت بتمطر هتقدر تستمتع بيومك عادي مجرد تسميتها انها اسكندرية صغيرة طبعاً يوضح انهم الإتنين تقريباً نفس المناخ ونفس التكوين لان الأجانب الي كانوا في مصر ليهم طابع كبير واضح في الأماكن القديمة في المدن الساحيلية خصوصاً
عندنا بعد العادات المتأصلة في السكان الأصليين للمحافظة يعني مثلاً في شم النسيم لازم نعمل فسيخ ومنأجونه وبيكون عندنا ليلتها سهرة مزيكا على أنغام السمسمية ( ألة موسيقية شعبية مصرية خالصة ) ممكن نتكلم عنها في بوست تاني منفصل
برضة من الطقوس عندنا أول يوم عيد الفطر لازم نفطر فسيخ ( تقريباً عشان الغالبية كانت صيادين )
لو بتحب تقعد عالبحر في هدوء هتلاقي البحر ملائم في اي وقت لكدة لو بتحب البحريات احنا بنتميز بطرق مختلفة عن كل مدن البحر الأبيض المتوسط في الأكل ( مرفق صور لكل الأكلات تقريباً )
لو انت نازل عشان تشتري لبس ( بلاش الأسعار غالية )
لو انت نازل عشان الشوكولاته ( بالهنا والشفا ) الأسعار عندنا مش بطالة
لو نازل عشان تتبسط بجو شتوي لطيف صدقني هتتبسط
يعني ممكن تتمشى في المدينة القديمة وتتفرج على ترسينات ( بلكونات ) بورسعيد الممتميزة لو انت بتحب التاريخ هتلاقي عندنا كنائس ومساجد ومباني قديمة عندنا قاعدة تمثال ديليسبس ( في كلام حالياً انهم هيرجعوا التمثال مكانه ) البلد صغيرة ومش هتاخد منك مجهود عندنا المواصلات سهلة وزي ما قولت الأكل مميز
الشواطيء عندنا مش مميزة لنزول البحر وده الي بيخليني احب البحر اكتر في الصيف
ممكن تروح كمان شاطيء مدينة بورفؤاد المكان هاديء ومريح نفسياً كمان
متنساش تركب المعدية وتاكل تمرية وسمنيه وكاساتا
متنساش تحضر ضمة ( حفلة ) لعازفي السمسمية ودي هتلاقيها كل يوم أربع على شاطيء بورفؤاد

قبل ما تتفرج علي الصور بنرشحلك المكان ده
لية لازم تسافر بورسعيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*