احسن ملاهي اطفال في المعادي My Park

احسن ملاهي اطفال في المعادي My Park

My Park
خروجة ممتعة فى قلب المعادى كلها جري و تنطيط ((للكبار و الاطفال)) و كل ما يكون عندك طاقة اكتر هتلعب و تنبسط اكتر
اول ما تدخل هتلاقي لعبة الثور “بتاع رامز” 🐂 و العاب تحدي برنامج Gladiator
المكان متقسم لمنطقتين .. واحدة فيها العاب الاطفال من سن سنتين ل 4 سنين
و المنطقة التانية بتاعتنا احنا بقى، للاطفال من 5 سنين لحد ٦٠ سنة
من اكتر الالعاب المميزة في My park لعبة ال Bungee Trampoline دي فعلا اللي هتطير فيها من غير جناحات
فكرتها زي النبلة بالظبط 😅 انك تلبس حزام متعلق بين عامودين و واحد يتشعلق فيك و يفضل يشدك جامد و مرة واحدة يسيبك تطير في الهواء زي الصاروخ
احساس ممتع جدا في كمان لعبة Zip line 🤩 انت بتلبس حزام و يتربط في سير فولاذ و تطلع لفوق فوق فوق و هوووووب تاخد السير دا زحلقة بسرعة “الزيووو” لحد تحت
اللعبتين دول لو اختارتهم في اي باكدج بتلعبهم مرة واحدة بس، لكن باقي الالعاب تقدر تلعبهم كذا مرة و تستمتع بيهم طول اليوم مع اصحابك و احلى حاجة إن اليوم بيبقى كله جري و حركة و التحدي
يعني عندك لعبة ال Connect 4 دي بتلعبها بكور بالباسكت 🏀 و عشان تكسب لازم يكون عندك مهارة دقة التهديف و السرعة المكان عبارة عن Garden كبيرة و فيها Bean bags عشان لو حبيت تريح و تاخد بريك و تاكل فشار او غزل بنات و بعد كدة ترجع تكمل لعب، او حتى لو مش هتلعب تبقى قاعد بتتفرج على اولادك و انت مطمن عليهم و على فكرة كل لعبة بيبقى عليها مشرف كمان عشان يتابع الاولاد و هما بيلعبوا انت بتختار الباكدج المناسبة حسب الالعاب اللي عايز تلعبها من اول 150 جنيه للكبار و 125 جنيه للاطفال .. و تقدر تلعب مع اصحابك كذا مرة لحد ما تشبع لعب تقدر تحجز معاهم لو عايز تعمل عيد ميلاد 🎈 او تظبط معاهم Fun day لموظفين شركتك او حتى تروح مع زمايلك في الشغل و اصحابك و تستمتعوا بخروجة غير تقليدية كلها جري و تنطيط 🤩 بجد هتستمتعوا بكل دقيقة في الالعاب، و في هناك كمان مطعم جنبهم لو حبيت تجيب اكل .. كل حاجة في مكان واحد
المواعيد
كل يوم من 4 ل 10 بالليل و الجمعة و السبت من 3 العصر ل 10 بالليل
رقمهم
01068288289
العنوان
المعادي، ميدان فيكتوريا، داخل The field

FunTime Kids Area ملاهي
ملاهي فابي لاند بورتو كايرو
ملاهى بى اند دى مساكن شيراتون
منطقة العاب ماي تاون
بلاى تايم بارك Play Time Park
كريزى لاند أكبر كيدز أريا
بلاى بارك المقطم

⬅️ مواقع هامة .. ننصحك بمتابعتها 👍

✈️ اماكن وخروجات حوزو7ozo.com➡️
🍔 منيو مطاعم مصرMenu22.com➡️
📱 اسعار الموبايلاتi2Mob.com➡️
وسم : / /

اترك تعليقاً

لن يتم نشر عنوان بريدك الإلكتروني.