City Walk Strip المكان دة فى زايد
الخروجة اللى بيتفق عليها الكل
سيتى ووك ستريب
مكان مثالي للخروج فيه كل حاجة
المطاعم اللي فاتحة هناك اغلبها حاجات مميزة، انت اول ما بتركن فى الجراج وتدخل من البوابة الرئيسية بتلاقى على يمينك وعلى شمالك مطاعم اللى على اليمين المطاعم الكاملة و على الشمال الاكشاك بقى اللى بتعمل حاجات ع السريع ودى اللى بتبقى مناسبة اكتر لنص الشهر
هتلاقي اختيارات كتير تناسب ذوقك “بيتزا، حواوشي، برجر، باستا، مطاعم شرقي و international ..
في كل مناسبة مول سيتي ووك بيتألق بزينة مميزة و طول الاسبوع بيبقى في Live show و بيستضيفوا كتير من الفنانين اللي بنحبهم و تقابلهم هناك و كمان يوميا بيبقى في بلياتشو بيلعب مع الاطفال و بيقدم فقرات ترفيهية للكبار و الاطفال (مجانا)
في كمان كيدز اريا و Play station و باركينج كبير تركن عربيتك فيه من غير ما تشيل هم الركنة
و ممر معمول مخصوص للتصوير “اقفاص البورتريه” بالليل بتبقى متزينة بالإضاءة و شكلها تحفة في التصوير
الأماكن الموجوده هناك هي :
- Shrimps&smox
- Arika
- Cavaiero
- Bokharest
- section f
- Wood
- Hookah
- Cococieleg
- Flori
- Moonstruck
- R2
- Trip
- كنافة حبيبة
- Dee donuts
- 8 Sea Food
- Cannoli
العنوان:
الشيخ زايد، مدخل زايد 5 مول سيتي ووك
احلي الاماكن في زايد و 6 أكتوبر
اماكن الخروج في الشيخ زايد
حديقة في الشيخ زايد
