سبوت جديدة للخروجات في مصر الجديدة
المول دا من ساعة ما فتح و انا فاكر إنه الجزء اللي في المدخل بس لكن طلع في جزء تاني ورا كبير اوي كله مطاعم و كافيهات كتييير متنوعة ايطالي، اسيوي، انترنتشونال و كلهم فيهم قعدات indoor & outdoor و كل مكان منهم ليه ديكورات و روح مميزة تخليك نفسك كل يوم عايز تجرب مكان مختلف
المول نفسه شيك اوي و فيه ممر شبه شوارع ايطاليا كله شمسيات ملونة ☂️☂️ كل الناس بتحب تتصور اوي معاها 📸 و طول ما انت ماشي في المول هتلاقي كادرات حلوة اوي تتصور فيها ببلاش و قعدات حوالين النافورة و قعدات تانية عبارة عن مراجيح القعدة عليها مسلية جدا
و في كمان كيدز اريا و جيم، مستلزمات المنزل، اكسسوارات سيارات العناية الشخصية، ملابس، لعب اطفال، موبيلات و اليكترونيات دي اسامي البرندات اللي هناك:
Caramelo
Del casa
La marina
Vine
Fairy land (kids area)
C omar
Los toros hermanos
Food’s jar
Mokito
Second cup
Asian corner
Inferno (chicken fila)
Homey
Haj arafa
Switch plus
Antaka
في كمان باركينج واسع تحت المول تركن فيه عربيتك براحتك، اول ساعة ب ١٠ جنيه و اي شاعة بعد كدة ب ٥ جنيه
العنوان:
٢٢ شارع أحمد تيسير، أرض الجولف بجوار كلية البنات، مدينة نصر، القاهرة