افضل اماكن الاكل في جاردن سيتي علي النيل

افضل اماكن الاكل في جاردن سيتي علي النيل

Beau Lac
لاقينا كنز على النيل فى جاردن سيتى
جاردن سيتى دى اساسا اهدى واحلى مكان فى الكوكب
مش مطلوب منك منيمم تشارج .. كل المطلوب منك تروح تستمتع بهدوء المكان
اول ما تدخل هتحس انك سافرت لزمان و مكان تاني خالص زي الفلل و القصور بالديكورات الفرنسية، هتلاقي انتيكات قديمة و ديكور المكان و المزيكا و الالوان بيخلوك تعيش جو مريح اوي
و من هنا جت تسمية الاسم بـ “Beau lac” عشان الفرنساوين زمان كانوا بيقولوا على الاماكن اللي على النيل في مصر “بو لاك” يعني البحيرة الجميلة
المكان متقسم لكذا اوضة .. عندك اماكن مكيفة و اماكن تانية فيها شبابيك مفتوحة و طبعا اهم و احلى قعدة في الفراندة، دي قعدتي المفضلة و ممكن افضل قاعدة هناك طول اليوم بتفرج عالنيل و يا سلام بقى لما تقعد تشرب فنجان قهوة و تلبس سماعاتك و تسمع المزيكا اللي بتحبها حسب مودك، يعني بالنهار الجو دا بيبقى حلو اوي مع صوت فيروز و بالليل السهرة بتبقى احلى على صوت “الست” ام كلثوم فعلا بتحس انك في عالم تاني خالص
احلى حاجة في المكان انك بتقعد براحتك خالص، يعني ممكن تقعد تفتح اللاب توب و تشتغل و انت بتشرب عصير او كوكتيل صودا، ممكن تقعد ترسم او تلعب مع صحابك او تاخد كتاب معاك تقرأ فيه
المنيو عندهم فيها بيتزا، باستا و مشروبات كتير ساقعة او سخنة .. بتطلب اللي انت عايزه من المنيو “مفيش منيمم تشارج” يعني تروح تقعد عالنيل و تنبسط من غير متتكلف خالص، بالعكس القعدة هناك شيك اوي و اسعارهم مناسبة جدا
قعدة على النيل فيها روقان الدنيا كله و قصادك منظر الاشجار في جاردن سيتي
رقمهم
01143677007
العنوان
عمارة رقم ١٠٧٣ “الدور الاول” كورنيش النيل، تاني عماره بعد السفاره الايطالية – جاردن سيتي – القاهرة

أماكن اوبن اريا لعمل الأفراح على النيل و لوكيشن تصوير
افضل خروجات علي النيل
أماكن تصوير فوتوسيشن على النيل في شبرا
ارخص خروجه على مركب في النيل ب 3 جنية

⬅️ مواقع هامة .. ننصحك بمتابعتها 👍

✈️ اماكن وخروجات حوزو7ozo.com➡️
🍔 منيو مطاعم مصرMenu22.com➡️
📱 اسعار الموبايلاتi2Mob.com➡️

اترك تعليقاً

لن يتم نشر عنوان بريدك الإلكتروني.