من افضل الأماكن الهادئة في مصر الجديدة
هتقضي اليوم كله في المكان ده ب ٥٠ ج بس
NAY – Coworking Space
هتدخل المكان دا تلاقي ناس قاعدة ترسم و ناس قاعده تقرا فی هدوء جنب شباك باصص على جنينه كبيرة كلها خضرة و هتلاقي ناس قاعدة في البلكونة بتشرب قهوة و بتنسجم في الفيو
هتلاقي مرجيحة و قصادها حيطه لونها ازرق المکان ألوانه مبهجة هتبقى عايز تتصور في كل ركن
المكان Co- Working Space و Art Space
عندهم غرفة لأعياد الميلاد كبيرة و فيها دیكورات لأعياد الميلاد ظريفة جداً و في شيش ألوان مناسب اوي لتعليق الصور عشان تعرفوا تعملوا مفاجأة لصاحب العيد ميلاد الغرفه تكفي من ١٠ -٢٥ فرد
و لو بتحبوا الboard games عندهم برضو مجموعة حلوة و الالعاب دي تحب اللمة
كل غرفة ليها مود و ستايل هتحبوا تجربوهم كلهم ♥️ و البلكونة فيها قعدة عربي على ڤيو الجنينه خطيرة و في غرفة فيها دیکورات ورد و شبابیك زرقاء ستايل سانتوريني كدا
في بوفيه صغير فيه كل المشروبات سخن و ساقع ☕️عامل زي مطبخ جدو و تيتا
و طبعاً تطلب دليفري من اي مطعم يجيلك على هناك
الأسعار أول ساعة ب 20 ج و من الساعة التانية للرابعة كل ساعه ب 10 ج و اليوم كله ب 50 ج 💃
المواعيد : كل يوم من ١١ ص ل ١١ م ما عدا الجمعة من ١ ظ الي ١١م
العنوان : 85 شارع هارون الرشيد -الدور التاني- مصر الجديدة امام محطة مترو هارون
التليفون:
٠١٥٥٣١٣٢٣٦٧
٠١٠٦٧٠٠٠٠٣٢
اللوكيشن : https://maps.app.goo.gl/GEWRdrvy47SgsZQaA
افضل اماكن خروج في مصر الجديدة
