Fun Kingdom
مكان للألعاب للكبار و الأطفال فيه كل الألعاب
تقدر تشحن الكارت ب ٣٠٠ ج و تدفع ١٧٥
ج فقط مع أبليكشن وفرها-Waffarha و تلعب بولينج ب ٣٠ ج و حرب الليزر ب ٣٠ ج و تتزلج على الجليد ب٣٥ ج♥️ بالنسبة للكبار في حرب الليزر و دي أكتر لعبة انبهرنا بيها .. تحس انك أحمد عز في فيلم الممر بس على أنيميشن كدا علشان ألوان الليزر .. بتتقسموا فريقين و معاكم مسدسات ليزر كل فريق لون مختلف♥️
و في البولينج اللي بنروحله أماكن مخصوص
و في كمان تزحلق على الجليد و معاك كلب البحر علشان تمسك فيه و متقعش و طبعاً معاك مدرب و بيعلمك الأساسيات
و في عربيات متصادمة و فيديو جيمز و ألعاب نشان
بالنسبة للأطفال ف في حوار تاني خالص فعلا مملكة ألعاب عندهم كمية ألعاب ملاهي للأطفال عندهم كاروسيل و الصاروخ و البطيخة و المركب و الساقية و ألعاب تانية كتير غير المتاهه دي حوار تاني و فيها زحاليق و بيت كور و حرب الكور بالمسدسات
الألعاب كلها في حدود ١٧ ج ل ٢٥ ج بتتخصم من الكارت
بتشتري كارت من هناك ب ١٥ ج و بعدين تشحنه بعرض وفرها-Waffarha بتدفع ١٧٥ ج على الأبليكشن و يشحنلك ب ٣٠٠ ج ( ١٥٠ ج الالعاب العادية و ١٥٠ ج العاب الهدايا )
او لو معاك الكارت من قبل كده يبقى مش لازم تشتريه
ممكن اكتر من فرد يستخدموا نفس الكارت و ممكن تجمع اكتر من كوبون في نفس الكارت
للدخول بيخصم ٥ ج من الرصيد
البولينج الجيم ب ٣٠ ج بدل ٥٥ ج (ليه كوبون لوحده علي وفرها)
الليزر تاج الجيم ب ٣٠ ج بدل ٥٥ ج (ليه كوبون لوحده علي وفرها)
التزلج علي التلج ال ٢٠ دقيقة ب ٣٥ج بدل ٦٠ ج (ليه كوبون لوحده علي وفرها)
العنوان: صن سيتي مول – شيراتون – مصر الجديدة الدور الثالث و التزلج على الجليد في الدور الاول
التلفون للاستفسار : 16457