استيدج الزمالك مكان اصحاب المزاج العالى

استيدج الزمالك مكان اصحاب المزاج العالى

Stage ElZamalek
تروح أرقى منطقة فى مصر اللى هى الزمالك طبعا
وتقعد طول اليوم ب ٥٠ جنية وليك مشروب كمان وفى ديكورات اقل ما يتقال انها وهمية 😍😍😍
الزمالك كل يوم بتفاجئنا بمكان (( مختلف )) و المرة دي هنتكلم عن شقة في الزمالك كان عايش فيها مخرج انجليزي مع اسرته و تحولت لمكان تبدع فيه بمعنى الكلمة
أول ما بتدخل بتلاقي قصادك ال Stage وقصادك المايك، ممكن تغني لو صوتك حلو، في جيتار كلاسيك لو بتحب تعزف، و الجو في المكان يساعدك تبقى في مود هادي تقدر تقعد تكتب او تكمل شغلك

المكان مناسب جدا للناس اللي شغلهم مبيطلعش غير بمزاج زي الفوتوشوب و ال re-touch الجو هناك مثالى جدا انك تقعد تطلع كل افكارك و تستلهم افكارك من الجو و الانتيكات اللي حواليك و لو بتحب تصور او تتصور هتطلع من هناك بصور حلوة جدا خصوصا لو فكرت تعمل سيشن كلاسيك، هتلاقي الطربوش و العكاز و الكرسي الهزاز مع التليفون ابو قرص القديم كل دا هيساعدك تطلع صور حلوة اوي و كمان في شباك كبير اوي هيوفرلك مصدر اضاءة ممتاز

من اكتر الحاجات اللي عجبتني هناك ان عندهم دولاب فيه الالعاب اللي كانت بتجمعنا و احنا صغيرين زي بنك الحظ، كوتشينة، اونو، كونكت فور، دومينا وطاولة الالعاب دي كلها مجانا و في اوضة مخصوصة لل Play station (الساعة ب 50 جنيه) و Baby football (الربع ساعة ب 30 جنيه)

في مكتبة فيها مجموعة كتب متنوعة تقدر تختار اللي يعجبك منها، و كمان في نوت بوك و ممكن تشتري اللي يعجبك منهم
طيب ايه النظام هناك؟
الدخول بيكون بـ 50 جنيه طول اليوم (مش بتتحاسب بالوقت) بيتقدملك 2 حاجة ساقعة
و ايام الخميس و الجمعة بـ 75 جنيه
و نفس الكلام في اعياد الميلاد بس بيكون كل واحد ليه مشروب واحد
المكان مفيهوش اكل بس طبعا مككن تطلب من اى مكان حواليك
المواعيد من 10 الصبح ل 12 بالليل كل يوم، يوم الجمعة بس بيفتحوا من الساعة 1 الظهر

العنوان: 15 شارع أحمد حشمت – بجوار طبالي و كوستا كافي – الزمالك.

رقمهم: 01154813666

وسم : /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*