Donut Boat Egypt
تعرفوا ان فى دونتس ظهر على سطح النيل ??
طيب تعرف انك ممكن تفطر في قلب النيل (حرفياً) ب 150 جنيه في رحلة خاصة لمدة ساعة ونص
النفسية محتاجة فسحة زي دي بالظبط .. اللي قصادكم في الصور دا اختراع اسمه دونت بوت
عبارة عن مركبة على شكل دونت بتمشي في النيل ? المركب دي بيبقى ليها شمسية و فيه سماعات بلوتوث تقدر تشغل عليها الاغاني اللي بتحبها، و في النص ترابيزة فيها متصممة على شكل الاطباق و المعالق و الشوك و في مكان للمشروب كمان، عشان الاطباق تكون ثابتة في مكانها طول الرحلة
موجودة في جزيرة المعادي .. و لو حجزت من صفحتهم .. مش هتدفع تذكرة دخول جزيرة المعادي ومفيش زيادة خدمة ولا الضريبة
الرحلة لمدة ساعة للفرد ب 100 جنيه
و سعر الرحلة لمدة ساعة للفرد مع مشروب ب 120 جنيه
الفطار للفرد ب150 جنيه (رحلة لمدة ساعة ونص + فطار + مشروب + دخول مجاني)
الغداء او العشاء للفرد ب 200 جنيه ( رحلة نيلية لمدة ساعة ونص + غداء او عشاء + دخول مجاني)
عندك اكتر من اختيار في الفطار او الغدا او العشا، التفاصيل دي هتلاقوها في المنيو في الصور
يعني هتقعد تاكل في قلب النيل في الجو الجميل دا و تستمتع بصوت مياة النيل و المركب ماشية فيه مع صوت المزيكا اللي بتحبها و تتصور احلى صور في النيل و وراك اشهر معالم القاهرة اللي بتطل على النيل و طبعا جزيرة المعادي و على فكرة تبقى حلوة اوي للRomantic dinner هتبقى عشاء مميز و ميتنسيش ممكن كمان تعملوا فيه مناسبة، عيد ميلاد مثلا .. و الدونت الواحدة بتشيل لحد 9 افراد و لو عددكم اكتر من كدة ممكن تطلعوا ب 2 دونت بوت مع بعض ( يكفوا 18 فرد)

هتلاقوها في الجونة و الاقصر، يعني ممكن تعمل بيها جولة سياحية و تروح بيها لمعبد الاقصر او جزيرة الموز، و ممكن كمان تركبها من البر الشرقي للبر الغربي (هتوصلك في 5 دقايق) و توفر مشوار مدته ساعة على الاقل بالعربية

الدونت بوت بتكون محجوزة ليكم لوحدكم طول الفترة اللي بتحجزها، و مش بيكون فيها حد غير الكابتن اللي بتحكم في حركتها، وطبعا بيكون فيها لايف جاكيت و لازم كل واحد قبل ما يركب يكون لابس اللايف جاكيت قبل ما المركب تتحرك و دي اجراءات امان اساسية، لكن البوت آمنة جدا ومفيش فيها اي خطورة سواء للكبار او الاطفال الاطفال اقل من 7 سنين مجانا و من 7 سنين او اكتر يحسب تذكرة كاملة
بس عشان تحجزوا بالاسعار دي لازم تحجز