منطقة العاب ماي تاون

منطقة العاب ماي تاون

My Town Egypt
مكان تسيب فيه الاولاد ١٢ ساعه ومتدفعش غير ١٣٠ جنيه
مدينة ملاهي زي اللي بتيجي في الكارتون
مدينة العاب (مش Kids area) خلي اولادك ينطلقوا و يقضوا اليوم كله لعب من اوله لاخره 🤩

الميزة ان منطقة الالعاب كبيرة جدا و عامل زي المتاهة، يعني الطفل مجرد ما يدخل لعبة هيفضل يلف بين الالعاب و يطلع من لعبة يدخل لعبة تانية يعني مستحيل يزهق من الالعاب،

انت بتدفع التيكيت اول اليوم مرة واحدة بس .. و يفضل يلعب كل عشرين، خمسين او حتى 100 مرة حتى لو هيقضي معاهم الشيفت كله من 10 الصبح ل 10 بالليل

الطفل بيدخل يتنطط في الترامبولين، و يتزحلق بالدوناتس، و يطلع للزحاليق الكيبرة “زي اللي بتيجي في الكارتون” في كمان لعبة ممتعة اوي اسمها مدفع الكور انا شخصيا لعبتها معاهم 😂

عاملين منطقة للـ Toddlers 👶👶 فيها العاب كتير مناسبة للاطفال الصغيرين (من سنة ل 4 سنين) زي لعبة السفينة و النخلة و البيت الصغير و العاب تانية كتير الاطفال بيحبوها اوي، الجزء دا حواليه سور سفنج عشان يكون منطقة خاصة بالاطفال اللي في السن دا

على فكرة احنا روحنا المكان دا قبل كدة كتير بس علشان نطلع بالصور دى كان لازم نروح بدرى جدا

تصميم منطقة الالعاب معمول باحترافية 👌 مهتمين جدا بعوامل السلامة و الامان، مثلا مفيش ولا فيشة كهربا، الارض حوالين كل لعبة فيها سفنج مضغوط و كل الالعاب متغلفة بسفنج عشان تمتص اي صدمات

طول ما الطفل جوة يقدر يستمتع بكل الالعاب لكن مجرد ما يخرج مينفعش يدخل تاني بنفس التيكيت، عشان كدة عاملين مكان مخصوص للاكل فيه ترابيزات الوانها مبهجة اوي و كورنر صغير بيبيع مياة و عصير و شوية حاجات خفيفة كدة، و في كمان (حمام للاطفال) عشان الطفل لما يتزنق يقدر يدخل الحمام بسرعة، يعني كل حاجة ممكن الطفل يحتاجها هيلاقيها في نفس المكان

ممكن تعمل عيد ميلاد ابنك 🎈🎂 تعزم كل اصحابه اللي بيحبهم، يحتفلوا بعيد الميلاد و يلعبوا و ينبسطوا سوا، و تقدر تطلب منهم شكل الزينة اللي انت عايزها و دي بتكون بالتنسيق مع الادارة و انت بتحجز
مواعيد العمل يوميا من ١٠ ص حتى ٩م
سعر التذكرة 130 جنيه
دخول مرافق واحد مع اي طفل اقل من 4 سنوات (مجانا) اي مرافق زيادة او مرافق لطفل اكتر من 4 سنوات بيكون ب 50 جنيه

رقمهم 01125584450

العنوان فرع داندي مول في 6 اكتوبر، و ليهم فرع تاني في سيتي ستارز

قبل ما تتفرج علي الصور بنرشحلك المكان ده
بلاى تايم بارك Play Time Park

وسم : / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*