أفضل اماكن في رأس البر

أفضل اماكن في رأس البر

راس البر…. دمياط?
سافر انت لسه شجره
Travel, you’re not a tree

1️⃣المواصلات :
❇️لو قطار يبقي من رمسيس ب ٣٥ لدمياط بعدها تروح موقف راس البر ب ٢ جنيه وبعدها ٤ جنيه عربية راس البر ??
❇️لو عربيه يبقي من موقف عبود ب ٥٥ جنيه وبعدها تروح موقف راس البر ب ٢ جنيه وبعدها ٤ جنيه عربية راس البر ❤️❤️

2️⃣التسكين والفنادق 😕
❇️هناك في كل منطقه فيه شركة عقارات تقدر تاجر منها عشه (ڤيلا)? العشه من ١٠٠ لليله فيما فوق ❇️الفنادق : يوجد كل الفنادق بداية من النجمه حتي Steigenberger ☺️?

3️⃣المزارات :
❇️شارع بورسعيد :
الشارع اللي بتنزل فيه من عربية راس البر الشارع جميل بطبعه بنظامه بالفن المعماري الجميل بتاعه ?
يطلقون عليها (عشش) كما كان يطلق عليها قديماً?
❇️شارع النيل :
شارع الشوبينج الرئيسي في البلد فيه كل ما تحتاجه يمينك المحلات وشمالك الكافيهات علشان لو تعبت ترتاح ?? الكافيهات دي بتكون علي النيل مباشرة?
❇️كورنيش النيل:
احلي حاجه في الكورنيش هناك انه ممتد بطول البلد وفيه كل اللي تحتاجه واخره طبعا اللسان وجماله ??واوله اول البلد ☺️
❇️منطقة اللسان :
كده انت وصلت لمنطقة الالتقاء بين البحر المتوسط ونهر النيل
مكان غايه في السحر والجمال الطبيعي
❇️عزبة البرج :
انت كمان ممكن تاخد المعديه وتروح علي عزبة البرج
هتلاقي هناك اسطول لصيد الاسماك وجميع الانواع البحريه والنهريه??
❇️السوق الكبير:
و ده اللي هتلاقي فيه كل الخيرات ?من مطاعم و محلات لبيع المأكولات و الأسماك ?و الخضروات و الفواكه و محلات الفطير ?و البيتزا الشرقي اللي مش هتلاقي منها غير في رأس البر ?

4️⃣المطاعم و الحلويات
-اشهر مطاعم راس البر هو محل فطير اسمه فتوح ???و من اجمل الفطاير الي ممكن تاكلها في حياتك ?
❇️اول ما هتشوف الاسعار هتلاقي بتبدا ب 60 جنيه و ناس هتقول غاليه جدا ?بس علي فكره الفطيره الصغيره بالنسبه لقاهريين هي لارج يعني تكفي 3 اشخاص اكيله??

❇️ملحوظه
مينفعش تروح فتوح و متاكلش فطيره راس البر الي نعروف بيها و ديه بتكون محشيه مهلبيه? و عليها كميه مكسرات رهيبه مش هتشوف الفطيره من كترها.???

5️⃣نيجي لمحلات الحلويات
❇️اشهر تلات محلات في راس البر:?
❇️بلبول: و ده بعتبره تصنيف شعبي عشان كده رخيص?
❇️البدري: بعتبره من المحلات المتوسطه في الخامه
❇️الجمل:بعتبره من المحلات الاعلي جوده عشان كده هتلاقيه اغلي بس لو انت اكيل مشبك هتحس بالطعم اذا خامه عاليه او لا.?

❇️ملحوظه
انسي اي مشبك في حياتك اكلته و روح اطلب من محل الجمل مشبك بعسل النحل?? هتلاقيه لونه بني مش عسلي و الكيلو ب 55 جنيه☺️ بس في البدري ب 50جنيه.?

6️⃣الرجوع :
بتركب عربية دمياط من شارع بورسعيد وبعدها بتركب اي حته انت عايزها من موقف حام البلد?
اكتشفوا بلادكم قبل اي بلاد تانيه ❇️… مصر اجمل من اي حته في العالم ?❤️

قبل ما تتفرج علي الصور بنرشحلك المكان ده
الدليل الشامل للسويس

وسم : / /

اترك تعليقاً

لن يتم نشر عنوان بريدك الإلكتروني.