سريلانكا ، احلي بلد في اسيا .. يمكن ارخص بلد كمان …
طبيعي تركب قطر هناك تلاقي نفسك ماشي وسط السحاب ، مزارع شاي ، شلالات جنبك ، نخل و شجر و طيور ….
?سريلانكا مختلفة في طبيعتها عن كل دول اسيا ، ألوان الطبيعة تحسها photoshop ، في ناس بتقول عليها غابة من جمال الطبيعة ..و ناس بتقول عليها جنة ،.. بالنسبالي البلد الوحيدة صورها ع الانستجرام زي الحقيقة من غير اي تعديل ..
?‍?‍?‍?سريلانكا بلد مناسبة جدا للعائلات ، الناس البتدور ع شهر عسل بتكلفة مناسبة (honeymooners) ال backpackers و الناس البتسافر لوحدها او الاصحاب ..
البلد هناك سهلة جدا في التعامل ، معظمهم بيتكلم انجليزي ، بيحبوا يساعدوا و طيبين بطريقة غريبة ، السفر من مدينة لمدينة سهل جدا و اكتر من طريقة ..
مدن كتير اتاثرت بأكتر من احتلال (بريطاني ، هولندي ، برتغالي ) ، فدا ساب فيها طابع أوروبي في المباني و الشوارع ، و البيوت ..
?الفيزا للمصريين بتطلع اونلاين ب ٣٥ دولار من غير اي ورق .
اشهر مواصلات هناك التوكتوك وليه اببيكشن اسمه pick me ، و اوبر ، و سعرهم رخيص هناك، و مش هتحتاج تستخدمهم كتير في كل المدن .
علشان تتنقل من مدينة لمدينة بتاخد القطر و دا اشهر حاجة هناك او الاتوبيسات ، سعرهم بيبتدي من ربع دولار لحد ٣ دولار بالكتير ، و في قطارات كتير ببلاش ..عموما المواصلات هناك مش هتكلفك اكتر من ٥٠ دولار لو انت لوحدك منهم ٢٠ دولار رايح راجع للمطار ، بس ممكن تاخد الباص بدولار .
(لو مش حابين دا ممكن تاجروا عربية من ٣٠-٥٠ دولار في اليوم و تلف بيكم البلد كلها ) ? الإقامة هناك لو أوضة double في هوستل او فندق ٣ نجوم بتبدأ من ١٠ دولار ، و اهم حاجة النضافة طبعا ودا بتشوفو في ال reviews من علي booking .
الاكل هناك قريب من الهندي شوية بس شطة اقل ، و عندهم option من غير ، و في international cousin في كل مكان علشان الأجانب ..متوسط الاكل هناك من ٦٠٠ روبية ، مش هيزيد عن ١٠ دولار في اليوم عموما.
كدا يبقي لو هتعد ١٠ ايام هيكلفوك 285 دولار او اقل لو معاك حد في الاقامة.
و ممن تزود عليهم شوية Activities ، اشهر حاجات في سريلانكا ال raftingو ال cliff jump و سفاري الأفيال و ال zipline ، مش هيكلفوك اكتر من ٦٠ -٧٠ دولار عموما ..
يعني لو طالع رحلة ١٠ ايام هتكلفك 355 دولار (5570 جنيه) بالكتير .
✈️اخر حاجة هيا الطيران الهيحدد التكلفة كاملة الطيران في سريلانكا بيبتدي من ٦٠٠٠ لحد ٨٥٠٠ و دا المتوسط حسب الوقت البتحجز فيه والمعاد المسافرله ، احسن وقت من ديسمبر لمارس و طبعا الأحسن انك احجز بدري .. )الاسعار قبل COVID-19 ? .
هتعمل ايه هناك ؟
– كولمبو نص يوم ( الجامع الأحمر ،Gangaramaya Temple ، Viharamahadevi Park )
– كاندي ، منها بتطلع علي صخرة سيجريا محطة dampola ، و البرج الملفوف المشهور ambulwawa tower ..دا محطة gampola
-كاندي ، نفسها فيها اكتر من معبد لبوذا ، منهم واحد في بقايا اسنانه . بحيرة كبيرة و مزارع شاي قريبة منها .
– نوارا ايليا ، حاجة فيها ال post office و مزارع و مصانع الشاي . كلها مبنية علي الطراز الإنجليزي ، بيسموها little England .
– هابوتال ، فيها اكبر مزارع شاي و Lipton’s dear , هيحكولكوا تاريخه اهناك و مصانع الشاي و طرق ال فلترة و القطف و أنواعه و الفرق بين الجودة….
-ايلا ، و دي اشهر مدينة ، معروفة ب كوبري القطر او ال nine arch bridge, و تسلق الجبال little Adam’s peak و Ella’s rock و الشلالات ، اشهر واحد ravana , وممكن تتفق مع توكتوك بوديك اكتر من شلال ب ٥٠٠ روبية لو مش هتطلع هايك .
ال zip line بين جبلين ب ٢٥ دولار عند little Adam’s peak .
– ميريسا في الساحل الجنوبي ، احلي بحر هناك ، معروفة بال coconut beach , ميريسا عبارة عن شارع و بحر و مطاعم و كافيهات بس …لو عايز تتعلم الsurfing , احسن مكان هيكون هناك بسبب الموج العالي و أسعار رخيصة ، , و في secret beach و spot جنب ال coconut مفيش موج عالي فبيكون احسن ، و طبعا اي مكان من حقك تنزل ببلاش ..
-ميريسا ، ممكن تطلع منها علي سفاري أفيال في us always national park و ترجع في نص اليوم او Yala national park مشهورة بالفهود ، بس كل البيروح شاف أفيال بس فخليكوا في الأولي ..في غزال و تمساح و طيور ..
‏Galle ، ساعتين من ميريسا دي عبارة عن حصن برتغالي من ايام الاحتلال و لسة محافظين علي الشوارع و البيوت التحولات كلها مطاعم و فنادق ..و في شط هناك مشهور اسمه unawatuna , و Jungle beach , بتروح واحد منهم بالباص او التوكتوك و ممكن تمشي للتاني .
‏، jungle beach هتلاقيه مستخبي وسط غابة ، بتعدي علي قرود و حاجات شبه السحلية كدا متخافوش منهم اليفين ? ..
كدا انت بقيت ساعتين من كولومبو ، في بنتوتا علي البحر برضه في النص ، بس مش احلي من ميريسا و unawatuna ، الموجرفيها عالي جدا و الشط في طوب كتير . كيتولجالا ، بتعمل فيها rafting و cliff jump , احسن حاجة تتفق مع اي شركة توصلك و ترجعك من كولمبو ب 3000 rupees .
‏في اماكن كتير جدا ممكن تشوفوها بس دي خلاصة احسن اماكن بالنسبالي شفتهم في ٣ أسابيع او اكتر …