الإقامة والمواصلات كلفتني في بالي-إندونسيا أربع ليالي وخمس أيام ١٢٠٠ ج
ماينفعش ابدا تروح بالي وماتجربش الفلل في Ubud ..فلل منها خاصة بحمام سباحة وديه تبقى مناسبه جدا لاتنين كابلز وفي منها مش خاصة بس خاصة بردوه?
يعني الفيلا ..بتبقى مثلا أربع أوض ..وتلاقي الناس اللي هناك كل واحد في حالة بردوة …فتحس إنك قاعد في فيلتك الخاصة
تصحى الصبح تلاقي الفطار في المكان اللي أنت عاوزة ..عاوز الفطار في حمام السباحة تلاقي الصنية عايمة في حمام السباحة …
عاوزة في التراث ..بيجيلك في التراث ..عاوزاها تتطلع فوق تجيلك لحتى عندك
ووبان كيك معمول بجوز الهند وفواكة استوائية على الصبح وحاجة ترد الروح ??
قابلت هناك كرستين من فرنسا ..ولوري من هولندا ..قعدنا هناك تلات أيام وليلتين كانوا حلوين جدا نرغي ونتكلم ..في كل حاجة
بيقولولي إحنا أول مرة نقابل واحدة من الشرق الأوسط ..وتقعد تتكلم معانا كده عادي ??
أنا مشيت عشان ماكنتش عاوزة أطلع من المكان ..لا بقيت عاوزة اتفرج على البلد ولا أعمل رحلات ولا حاجة …?
المكان ده اسمة Villa Lumbung كنت نازله فيه تقريبا ب ٣٢٠ ج الليله عشان كنت حاجزة من هناك .. وهيا حاليا على booking ب ٥٠٠ ج
وكنت مستغلياه ??..مش فاهمه ازاي برده ?
بعدها نزلت أخدت ليلتين في هوستيل ب ٧٠ ج الليلة ..في UbUd بردوه بس في الشارع الرئيسيي ومنه أجرت موتسيكل ب ٨٠ ج تقريبا وعشان المسافات كبيرة ومعرفش حاجة خليت صاحبه الهوستيل تخلي واحدة صاحبتها تجي توصلني ب٤٠ ج طول اليوم وتقريبا زرت كل حاجة هناك في بالي …وبقيت بتفاصلي في الحاجة وتوديني أماكن معرفهاش ..والرحلات للجزر اللي جنب بالي أو البركان أوي رحلة بتحجزوها عن طريق مكاتب في الشارع ولازم تسألوا كذا حد وتفاصلوا جامد لأن في فرق أسعار جامد