Nile Dragons Academy
أيه رأيكم لو تكسروا الروتين وتجربوا خروجة جديدة خالص وكمان تعملوا رياضة تخليكم سخنين وحرانين فى عز الشتا 🙂
مغامرة فى قلب نهر النيل هتعملها الصبح بدرى متعة هتعملها المغرب بردة متعه جدا جدا يعنى ممكن تاخد أسرتك وكل واحد يلبس اللايف جاكت وتعيشوا حاجة جديدة
أو لو حتى مجموعة أصحاب تجربة جامدة جدا جدا

النهارده هنتكلم عن موضوع لذيذ جداً وجديد بالنسبالنا وبالنسبه لناس كتير،
هنتكلم عن التجديف
نوع جديد من الخروجات اللى فيها هتتفسح وهتلعب رياضه وهتتبسط جداً كمان ،
هنتكلم بالتحديد عن ال Dragon Boat اللى فى النادى المصرى للتجديف ، لما روحنا نجرب استغربنا الأسم فى الأول برضو لكن طلع انها رياضه منتشره بره مصر وبالتحديد فى دول اسيا ، لكن بصراحه Dragon Boat egypt جمعوا بين الرياضه والترفيه فى وقت واحد ،

انا فى الأول كنت فاكر انى هروح اجدف فى النيل فى مركب صغيره وخلاص kayak يعنى وانى المفروض اكون بعرف اجدف ومتعلم اصلا ، لكن بصراحه الموضوع مختلف تماماً واسهل بكتير من التجديف التقليدى وتقدر تتعلمه فى 6 دقايق بالظبط عن طريق كباتن محترفين ومدربين على مستوى عالى يعنى سواء بتعرف تجدف او لأ فأنت هتقدر تروح وتستمتع وتنبسط كمان دة غير وأنك موجود فى المركب هتحس بالتعاون والتناغم فى الحرجات حتى يهنى نفسيا كمان حلوة أوى
طيب واحد هيقوا أنا مبعرفش أعوم .الموضوع أمان لأقصى درجة وزيادة فى الأمان اللى حابب يلبس لايف جاكيت يلبس

الدراجون بوت عباره عن مركب طويله تقدر تشيل لحد 16 فرد زى ما موجود فى الصور وبتجدفوا مع بعض ده طبعاً بعد ما تسمع النصايح والتعليمات وازاى تعرف تجدف من الكباتن اللى موجودين هناك اللى بيعلموك فى سيشن صغير قبل ما تنزل وبتعمل شويه احمائات معاهم بحيث تفك جسمك قبل ما تجدف،

التجربه كانت ممتعه جداً منها بتمارس رياضه ومنها هدؤ اعصاب واحلى ريلاكسينج فى النيل والأحسن انك بتنزل مع ناس ممكن تكونوا متعرفوش بعض لكن فى النيل بتجدفوا كأنكم شخص واحد ، روح الteam هناك عاليه جداً تحس انهم عيله واحده وانت بقيت واحد منهم .

الموضوع كله بياخد حوالى ساعه ويفضل انك تيجى بلبس رياضى او اى لبس عادى هو مش هيتغرق بس ممكن يجى عليه نقطتين مايه مش كتير يعنى . ومتوفر هناك اماكن هناك تقدر تغير فيها هدومك و متواجد هناك حمامات برضو . لو فى جروب (٨ افراد على الأقل )عايزين يروحوا مع بعض مفيش مشكله ويقدروا يحجزوا فى الوقت اللى عايزينه وينزلوا مع بعض . السن المسموح من 14سنه الى ما لانهاية يعنى ممكن تاخد والدك ووالدتك بجد هتبقى حاجة جديدة عليهم وحلوة جربوها اما بالنسبه للأسعار فالمره الواحده ب ١٥٠ جنيه للفرد، وفى كمان package كويسه جداً ال ٦ مرات ب ٥٠٠ جنيه .( أحنا أشتركنا فى دى وش لان اللى هيجربها مرة هيعرف أنها أدمان )

التجربه كانت فى المجمل جميله جداً وهنكررها تانى إن شاء الله لأن متعه انك تجدف وسط النيل ملهاش مثيل حقيقى ، والموضوع جديد فى مصر وإن شاء الله يعجبكم
التليفون للحجز والأستفسار : 01110010117 كابتن عبير
العنوان : النادى المصرى للتجديف –الدقى – أمام سفارة روسيا بالظبط

شاهد ايضا
منتجع الحمرا إيكولودچ