السياحة في جزيرة بالي اندونيسيا بالصور

السياحة في جزيرة بالي اندونيسيا بالصور

اليكم كل ما تريدون معرفته عن بالي
المقال مقسوم لجزئين:
تكلفة متوسطة لمدة اسبوع لل. Honeymooners
بالي سؤال و جواب
مخطط honeymoon
في بالي لمده 7 ليالي و 6 ايام :
بدايه كده انا المخطط ده متوسط التكلفه اللي و فيه حاجات اختياريه مع بعض النصايح اللي لازم تتبعوها عشان حتفرق معاكم جدا في فترة الاقامه:

اولا البلد هناك فيها موسمين، موسم الجفاف وده بيكون من مايو لسبتمبر و مع ذلك في امطار بس بتكون بنسبه قليله جدا و موسم المط و ده بيكون باقي السنه، في الموسمين اقل درجه حراره 27 و اعلاهم بسبب زيارتي اقدر اقول 33 بحد اقصى
في الموسم الجاف الاسعار اغلى بنسبه 30 في الميه، و عامه من وجهة نظري ظبط فرحك في ال
Wet season
حتتبسط اكتر لان البلد مبتبقاش زحمه اوي من نص ديسمبر لحد نص يناير حاول متروحش الاسعار 4 اضعاف في الفنادق بس لو مضطر احجز فلل و ابعد عن الفنادق

ثانيا قبل ما توصل بالي حاول تظبط سواق ياخدك من المطار اوعى تروح للناس اللي في المطار غاليين جدا و مبالغ فيها، لو محتاجين سواق عرفوني حديلكم رقم السواق بتاعي هناك، بتعامل معاه بقالي 3 سنين ونص

ثالثا اوعى تغير فلوس في المطار، كتير، حراميه و ده حيعمل معاك فرق كبير، غير اللي حيساوي فلوس السواق و زياده شويه عشان الفندق و يفضل تدفع كاش عشان الفنادق بتضيف 5 في الميه رسوم البطاقه و اوعي تشتري خط من المطار عشان 3 اضعاف السعر بره كل ده فكه بس لو جمعتهم حتلاقي نفسك خسرك ما يقارب 120 دولار ملهمش لازمه

رابعا: تغيير العمله بقا : 100 دولار بتتغير ب 1,350,000 روبيه، و في اماكن ب 1500000
حاول تغير من الاماكن المعتمده عشان الباقي نصابين و حيعد الفوس قدامك الف مره و تللقيهم صح تعدهم حتلاقي نفسك مغير بخسارة

خامسا، امشي علطول بشنطه كروس و تحطها ادامك عشان لا قدر الله لو حد حاول يسرقها ميعرفش، و اوعى تاهد الباسبور الاصلي معاك وانت خارج، خد صو ة منه و سيب للاصل في خزنة الفندق او الريسبنشن

سادسا: المناطق في بالي
1. كوتا، متقعدش فيها انت و مراتك مش امان خالص ودي منطقه الليل كلها ملاهي ليليه و تجارة المخدرات، مت قربلهاش بالليل، الحلو فيها المحلات، رخيصة مقارنه بالمناطق التانيه و الجميل انك بتفاصل و فاصل بقلب جامد، و في مخلات فضه رخيصه جدا باسعار لو الناس سمعتها تتخض و تشك انها فضه، بس هي فضه اصلي و مدموغه كمان 925
2. Seminyak:
دي حلوة جدا كلها مطاعم و فنادق كويسه و محلات بس الاسعار هناك غاليه شويه، بس تستاهل، هناك ال
Spa centers
ملهاش حل و ظريفه جدا
Balinese massage is the best
3.Ubud
ودي بقا جنه في عين اي حد راح هناك منطقه غابات و المنتجعات هناك خرافيه بالمعنى و معظمها
Infinity pools
حاجة فعلا ترد الروح وكمان وانتو هناك روحوا خدوا يوجا حتفرق معاكوا قوي صدقوني، و كل على حسب الميزانيه
بالليل هناك الدنيا مافيهاش حاجه تتعمل فلازم تعقد غي الفندق
اخركوا هناك يومين و متطولوش حتزهقوا
سابعا مقترحات الاقامه المفضله،
تقعد في
Ubud يومين
Seminyak الباقي
و بلاش تستغلى الاقامه مش حتقعد في الفندق اصلا غير للنوم بس و فمترميش فلوسك على الارض حتندم اتفسحوا بيهم احسن
وانت في سيمينياك ظبط
Day tour or activities

سابعا حتعمل ايه هناك بقي
لو عاوز تاكل بحريات تروح
Jimbaran
اكل فرش و برخص التراب عندهم حاجه زي حلقة السمك كل هناك و متاكلش في المطاعم اللي بره غاليه
لازم تشوف ال
Sunset in uluwatu
والله منظر مش حيتعوض وممكن بدل ما تقعد يومين
Ubud
تقعد في uluwatu
وتزور اوبود كده في يوم
في مكان هناك اسمه
Rockbar
لو تقدر تعمل سنوركلنج حتتكيف فعليا بمعنى الكلمه وده تعمله في
Nusa lembongan
دي نبذه بسيطه عن اللي ممكن تعملوه هناك و صدقوني اسبوع قليل جدا
بالنسبه لل activities
Www.govoyagin.com
افضل موقع وعليه كل حاجه متكررة باسعار مختلفه و ارخص من سعر السوق
شوفوا حتحبو ايه اكتر و اعملوه كل على حسب الميزانيه
المهم :
التكاليف
اقامه في فيلا في اولواتو او اوبود
من 70 دولار ل 500 دولار في اليوم
حتلاقي حاجات حلوة على بوكينج او
Airbnb
سيمينياك بقا زي ماقلت 40 دولار كفايه اوي و في اسعار اقل من كده
كده نقول 350 دولار للفنادق
350 دولار للفسح و الخروجات و activities
و 400 دولار شوبنج
فتفريبا بنكلم في حدود ال 1200 دولار للفردين ممكن يبقوا 2000 و ممكن يبقوا 800
معلومه نهائيه ومهمه للغايه
يوم في مارس كل سنه يوم اسمه
Nyepi Day
ممنوع تخرج نهائيا من الفندق بالقانون حتى ااسكان اامحليين ممنوعين
ده خرافه عندهم ان ده يوم صراع الخير مع الشر
والملائكه مع الشياطين
وخروجك في اليوم ده ممكن يعرضك للسجن. لفترة طويله
اللهم بلغت اللهم فاشهد
بالي سوؤال وجواب:
عن بالي العشق انا بشكل يومي بيجيلي عشرات الطلباتلتوضيحات و نصايح و توجيهات واي الأفضل انو يتعمل و الناس تسكن فين وايه الاحتياطات اللي الواحد ياخدها

– ايه أنسب وقت للسفر ؟
بالي حلوة طول السنه و في أي شهر و الصبح و بالليل بتتوقف على انت بتحب ايه اكتر, بالي فيها موسمين بس في موسم الامطار وده من أكتوبر لابريل و موسف الجفاف من مايو لسبتمبر , انا بفضل موسم المطر
– أقعد هناك قد ايه ؟؟
بالي مبيتزهقش منها متوسط مجموع المدة اللي قعدتها هناك شهرين و مخلصتش كل حاجة فيها , و زراها 5 مرات
– ليه بتفضل موسم المطر ؟
أولا انا بحب المطر
ثانيا البلدان الاستوائية معروفه بالرطوبه و عن تجربه وجود المطر بخفف من حدة الرطوبة
– في وقت معين مينفعش اروح بالي فيه ؟
في يوم واحد بس طول السنه وهو 25 مارس – ده يوم ديني عندهم حتى المطار مابيبقاش شغال وممنوع تنزل من الفندق فحاول دايما ماتخليهوش خلال فترة اقامتك اللا لو مضطر.و اسمه nyepi day
– ايه المناطة اللي اقدر اسكن فيها ؟؟
بالي فيها مناطق كتيييير جدا , فيها مناطق حتلاقيها مليانه محليين , ودي مناطق من وجهة نظري مخصصة اكتر للسياحية الثقافية عشان تحتك بالثقافات و العادات و التقاليد و الى خلافه و النوع ده ليه ناسه
و في المناطق السياحية و دي متعارف عليها جدا وهي كالتالي :
ULUWATU :
منطقه معظمها فلل و منتجعات دي لهواة الاستجمام فعلا و المنتجعات فيها غالية و فيها حاجات اسعارعها كويسة بس مشكلتها مافيهاش خروج كتير و بالليل بتبقا هادية جدا
KUTA :
اكتر المناطق شهرة و مبرجحش الإقامة فيها قوي هي قريبة جدا من سيمينياك تقدر تزورها بسهوله ومعروفه انها اكتر منطقة مناسبة للنايت لايف بس بالنسبالي مش حلوة ممكن تعجب حد تاني
SEMINYAK :
و لنايت لايف هناك انضف بكتير من كوتا و الكواليتي اعلى منطقة حيوية جدا مليانه مطاعم و فنادق وفلل و ومحلات تجارية و بفضلها جدا
UBUD :
من احب المناطق ليا و خصوصا لو بتفكر في تاجير فيلا بحمام خاص او من هواة اليوجا و منصحكش تقد هناك اكتر من 3 أيام عشان متملش
JIMBARAN
: المنطقة دي عندي مرتبطة بمطاعم السمك فيها منطقه هناك عاملة زي حلقة السمك بالظبط
SANUR : دي منطقة جمبلة جدا كالمعتاد , لو بتفكر تروح نوسا بينيدا فانت حتركب سبيد بوت من المرسى اللي فيها
LEGIAN : دي منطقة في النص بين سيمينياك وكوتا ودي اكتر منطقة بسكن فيها عشان موقعها المتوسط و أسعارها فمثلا من هناك لشاطئ كوته 4 دقايق مشي و ل سمينياك 10 دقايق مشي , سعر الغرفة هناك 15 دولار وغرفه كبيرة و حلوة

في مناطق كمان وكتير بس دول اكتر حاجة معروفه ومتداولة و بس لازم تحدد انت حتقعد فين و يعني لو حتقسم اجازتك على مكانين متقعدش في الوواتو و ابود عشان يعتبرو في الجو العام زي بعض
– ايه الأكتيفيتيز اللي ممكن تتعمل هناك ؟؟
– Rafting : A] Ayung River – B] Telaga Waga River
– Hiking : A] Mount Batur – B] Mount Agung
– Snorkeling & Diving : A] Nusa Penida – B] nusa lembongan – C]Amed
– Paragliding
– Forest Quad biking .

أهم المزارات
-Uluwatu temple
-Tanah lot temple
-Toya devasya
-Bali zoo
-Monkey forest
-Rice terrace
-Omnia beachclub
-Gitgit waterfall
-Bali swing
-Nusa penida island

– أيه الأماكن اللي تتزار هناك و مينفعش منروحهاش ؟؟
– Bali Rice Field Terrace : Tegalalang
– Sekumpal Waterfalls
– Bali Swing : A] Desa Bongkasa
– Bali Temples : A] lempuyang – B] Tanah Lot – C] Uluwatu Temple
– 3D Art museum
– Jimbaran Fish market ‘ sunset ‘
– Monkey Forest
– Coffee roasters

– أيه الشواطئ الحلوة هناك عشان السباحة ؟
– Dreamland Beach
– Sanur Hidden Beach ‘you need to get a local driver to reach’
– Pandawa Beach
– Bias Tugel Beach
– Suluban Beach
– Padang Padang Beach

– نعمل ايه في الاكل ؟؟
– في مطاعم حلال هناك كتير قوي ف دي مش مشكله و عندك مطاعم بتعمل بيتزا و مكرونه و اكل لبناني , بس انا واحد من الناس اللي باكل الاكل الشعبي بتاعهم و اعتمادي الأساسي على الماكولات البحرية و الخضار و الفاكهة ولو انت من محبي الجبنه خد معاك وانت مسافر عشان فعليا الجبنه هناك اغلى من المخدرات ده لو لاقيتها
– اقدر اعمل شوبينج هناك ؟؟
اه طبعا تقدر في outlets
كتيرة جدا و اسعارة رخيصة ارخص من أوروبا و الحاجات كلها اخر موضه عشان معظمها بتروحلهم من استراليا
– ايه اللي مينفعش اسافر من غيره ؟؟
– أي نوع من أنواع الكاميرات عندك اكشن كاميرا بروفشنال المهم انك متروحش من غيرها
– ترايبود للكاميرا عشان لو بتسافر لوحدك زي حالاتي كده متتسوحش
– كريديت كارد "يفضل"
– كريمات للحساسية و لقرص الناموس
– قرفه مطحونه مع جوز الطيب حتحتاجها لو قعدت في فيلا بترشها عشان تمنع الحشرات …. إلخ
– لو مسافر في موسم المطر لازمك جاكت مطرو هو رخيص هناك ب 2 دولار او 3
– في جميع الأحوال سافر بقطنيات و حاجات خفيفه
– طيب السؤال المهم انا تايه اعمل ايه بالحاجات اللي فاتت دي كلها و ازاي اظبط برنامج الرحلة بتاعي ؟
لو حتحب تتحرك مع نفسك ممكن تأجر سكوتر و عيش بيه حياتك و لف و اتبسط في اليوم بيكون ب تمانية دولار
طيب لو معاك مراتك او جروب طالعين مع بعض ؟؟ كده ملكش غير حل واحد عليك و على سواق خاص بعربيته و ابعد عن الشركات و افتكر اني حذرتك الشركات حيحاسبوك بالفرد يعني السواق بتاعي اللي هناك و اللي بتعامل معاه بقالي أربعة سنين عملى جولة انا وناس صحابي ستة افراد و خد أربعين دولار مننا احناالسته و لما اول مرة سافرت دفعت فيها لوحدي مع شركة مئة دولار وكان معايا ناس في العربية
بعد لما تتفق مع سواق قدامك حاجة من اتنين يا تقولو فسحني يا تتعب نفسك شوية و تقولو يوديك أي حاجة من الحاجات اللي فوق دي, عشان اللي فوق دول متكررين كتير في بالي بس دول انضفهم.
السواق بتاعي هناك اسمه نورا و ناس كتير من الجروب جربته و الحمد لله طلع في محل الثقة عندهم كلهم محتاجين تقولوله طلال و بس و هو حديلكم نفس اسعاري حتى لو في عز السيزون
+6282144994261
500:550k IDR for 8:10hrs
Ngurah Tara نورا تارا
– أيه الاحتياطات اللي لازم اخد بالي منها ؟
– متفكرش تشرب مخدرات هناك لو اتقفشت تأبيدة ان شاء الله و مش حتطلع لو بالزمر البلدي وافتكر اني قلتلك بلاش
– متمشيش بكل فلوسك في جيب واحد و لا في الشنطة
– ايوة لازم يبقا معاك شنطة كروس و خصوصا لو انت مسافر في موسم الزحام فترة الجفاف
– سيب باسبورك في خزنة الفندق وخلي صورته معاك
– متمشيش ماسك تليفونك فايدك في الأماكن الزحمة عشان محدش يقلبه و يجري
– متثقش في المحلين بسهولة
– ابعد عن الحرام

قبل ما تتفرج علي الصور بنرشحلك المكان ده
إيطاليا ارخص من شرم الشيخ

وسم : / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*