أفضل أنشطة سياحية في شرم الشيخ

أفضل أنشطة سياحية في شرم الشيخ

قاعدتين مهمين عندى لما اسافر ومقتنع بيهم تماما :
١_بسافر لوحدى ودى امتع حاجه فى حياتى وبحجز غرفة سنجل
٢_ممنوع اقول لحد انى مسافر
مبدايا،
عايز تحس نفسك فى دولة اجنبية وانت قاعد فى شرم الشيخ لازم تروح فى عز البرد والرعد 😂😂
علميا وعمليا شرم الشيخ مشتى يعنى القاهرة بترعد وتبرق من التلج 😍😍
يبقى لازم تروح شرم فى الجو دا
بالنسبة للسكن والاكل والمواصلات انا من النوع اللى بيبعد عن وجع الدماغ علشان كدا طلعت مع شركة سياحية وريحت نفسى من كل دا 😇😇
الاماكن اللى مينفعش تروح شرم ومتدخلهاش:
١_خليج نعمة مليان كافيهات واكل وشركات رحلات واى حاجه نفسك فيها هتلاقيها هناك
بالنسبة للكافيهات وانت داخل من بوابة المشاية لغاية مطعم المصريين اسعار الكافيهات زى اللى فى القاهرة بالظبط لكن لما تدخل جوا الاسعار تذيد بسبب فخامة المكان
٢_كافيه فرشة ودا لوحده لو قعدت يوم كامل اكتب عنه مش هديله حقه حاجه كدا سحر وفخامة
٣_سوهو سكوير زى خليج نعمة فى اغلب الاحوال وفى حفلات كمان
٤_الف ليلة وليلة حفلات وتنطيط والتيكيت بتاعها مناسب للدخول
موجودة فى الهضبة 😁
٥_الباتروس اكوا بارك هتحس انك طفل ولازم تتعايش مع كدا 😂😂😂
٦_مساج وجاكوزى😋😜 ودا عملتهم تبع الفندق وكانو اسعارهم كويسة تقريبا ب٢١٠
٧_ دايفنج فى تيران او راس محمد ودى تبع الفندق او شركة سياحية فى خليج نعمة لكن الافضل تبع الفندق اللى انت نازل فيه
حاجه كدا تفصلك عن الارض باكملها
٨_لو انت بتاع مزاج يبقى نايت كلوب وسهرات ودول كتير:
*ليتل بودا فى نعمة التيكيت بتاعه ب٢٠٠
*هارد رووك ومنه اتنين واحد فى نعمة جنب ليتل بودا والتانى فى نبق الافضل طبعا اللى فى نبق لكن صعب فى المواصلات
والتيكيت متعديش ال ٢٣٠
*نايت الباشا برضه فى نعمة التيكيت ب٢٥٠
وفى سبيس كمان
و متنساش تحجز رحلة لدهب وسعرها ٢٠٠ زى غيرها

قبل ما تتفرج علي الصور بنرشحلك المكان ده
رحلتي الى شرم الشيخ بالتفصيل

وسم :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*