برج القاهره
فُسحه لذيذه وجميله للكبار والصغيرين
فيو تحفه من أعلي ارتفاع في القاهره! عنوانه ما يتوهش “طبعاً” شارع البرج في الجزيره بجوار النادي الأهلي،
أقرب محطة مترو أنفاق هي الأوبرا.
اجمل وقت هو الغروب وانسب وقت للزياره بعد العصر وتجنب الظهر عشان الشمس حتضايقك وتجنب الجمعه والاعياد الرسميه للزحام المعهود في مصر.
التذكره ب ٥٠ جنية
المدخل من تحت جميل وواسع ولازم تتصور سيلفي مع النسر النحاسي الضخم الي علي البوابه!
بعد التفتيش وقطع التذاكر هتستنى رقم دورك فى الاساتسير علشان الاسانسير بياخد عدد قليل للاجراء الأحترازية
في خلال دقيقة بالظبط حتكون علي ارتفاع 60 دور (187متر)! وممكن تأجر عدسة تليسكوب ب ١٠ جنية بس اشترى التذكرة من تحت قبل ما تطلع . وفوق الفيو وهمي حتشوف القاهره والجيزه كلها ونهر النيل والفنادق تحتك،،، .!
ولو ركزت حتشوف القلعه والأزهر بارك والثلاث أهرامات كمان! وعيش يا معلم تصوير
مكان لازم تروحه انت وصحابك او انت واسرتك عشان حتتبسط أكيد وماتخافش، أمان جدا وارتفاع السور فوق أمان للولاد والكبار كمان. يلا روح مستني ايه؟!

قبل ما تتفرج علي الصور بنرشحلك المكان ده
أماكن الخروج في القاهرة على النيل