جزيرة فطناس
روحوا سيوة يا جماعة سيوة حلوة جدا
بس فيه شوية ملاحظات كده عشان تخدوا بالكوا:
- مفيش تكييفات عادة في الفنادق ولا دفايات فتقّل كويس وأنت قاعد هناك، وكمان الناموس كتير جدا ومفيش صاعق في الفندق ومش عارفة هتحلها ازاي ديه الصراحة ?
- أتأكد وأنت رايح سيوة ان الدنيا مش مطر عشان الشوارع هناك رمل مش أسفلت وبالتالي بتقلب طينة
- متعملش سفاري في المطر، واتأكد من وجود أحزمة أمان في العربية اللي هتطلع بيها السفاري عشان السفاري هناك عامل زي لعبة المنخول بتاعة السندباد ديه لو فكرينها ?
- وأنت رايح البحيرات المالحة وناوي تنزل لازم تبقي لابس شبشب البحر ده عشان أطراف البحيرات كلها حادة جدا وأحجار الملح بتعور جامد وانت نازل او طالع من البحيرة، وخد معاك أزازة ماية كبيرة عشان تدلقها على نفسك بعد ما تخرج من البحيرة بدل ما الملح يخلّص عليك ?
بس غير كده البلد جميلة جدا وهادية واهلها أهل كرم وطيبين جدا وفيه مزارات كتير زي جبل الموتى ومعبد آمون ومعبد الأسكندر الأكبر وعين كليوباترا والبحيرات المالحة والسفاري هناك ممتع ومميز جدا لازم تجربه والأكل السيوي خصوصًا المردوم طعمه تحفة وممكن تقعد في كامب بليل في الصحراء.. الزيارات ديه عادة في الشتاء اما الرحلات الاستشفائية بتبقي في الصيف من شهر ٦ لحد ٩
قبل ما تتفرج علي الصور بنرشحلك المكان ده
ازاي تسافر واحة سيوة بأقل التكاليف
