افضل برنامج لرحلة الاقصر واسوان

افضل برنامج لرحلة الاقصر واسوان

الاقصر وأسوان ⁦💙
حابب أشارك تجربتي في أنحاء الاقصر وأسوان، يمكن علشان كل الناس في الجروب هنا نفسها تطلعها، والموانع كتيرة

الموانع بتكون في الأرقام الفلكية بتاعة شركات الرحلات ولا تقل عن ٢٠٠٠ ل ٣٠٠٠ وفي بيوصل لأضعاف الأرقام دي للفرد الواحد أو بتكون في رحلة الشباب والرياضة واللي للأسف مفيش أسرة تقدر تطلعها أو شلة صحاب أو انت وخطيبتك وهكذا ده غير الهوستلز والبرنامج بيكون مش قد كدة

قررنا في فبراير ٢٠١٩، نطلع انا وصحابي الاقصر وأسوان وحسبنا كل الخطوات اللي بتعملها شركات السياحة كلمنا الفنادق وحجزنا فيها، حجزنا تذاكر القطارات، اتفقنا على أفضل برنامج، استغلينا كوننا مجموعة كبيرة ووصلنا لاسعار كويسة في فنادق كويسة على النيل مباشرة

كانت اربعاء أيام بالتساوي بين الاقصر وأسوان، بالإضافة لايام السفر خارج ال ٤ ايام

رحنا في الاقصر:
– معبد الكرنك ، معبد الأقصر ، طريق الكباش، متحف الاقصر
– معبد هابو، معبد، حتشبسوت، وادي الملوك، مصنع الباستر، جزيرة الموز، جولة في النيل بالمراكب

رحنا في اسوان:
– متحف النيل ، متحف النوبة
– معبد فيلة، جبل الهوى، رمز الصداقة، السد العالي، جزيرة النباتات، القرية النوبية، وجولة اكبر بالمراكب في النيل ، وبالليل رحنا السوق السياحي

طبعا علشان مينفعش اذكر اسماء الفنادق رحنا فنادق محترمة بالفطار كمان
سافرنا بقطار مكيف ذهاب وعودة وتكلفة كل ده كانت على الفرد مننا ١٠٠٠ جنيه
وبرضو قررنا نطلع السنادي لأنها افضل صفقة رابحة عملناها ⁦❤️

انصحكم انكم تاخدوا الخطوة دي، جمعوا بعض شلل وعائلات هتوصلوا لنفس ال deals دي مع الفنادق بنفسكم وهتستمتعوا افضل استمتاع ، متحرموش نفسكم من سحر الاقصر وأسوان بسبب استغلال قطاع السياحة عموما

وسم : / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*