ازاي تعيش في 3 جزر في اندونيسيا باقل التكاليف

ازاي تعيش في 3 جزر في اندونيسيا باقل التكاليف

ازاي تعيش في 3 جزر مساحتهم 15 كيلو متر مربع باقل التكاليف !!!
وسيله المواصلات الوحيده في الجزر .. الدراجه العاديه .. يعني نسبه التلوث 0% ده غير ان عدد سكانها المحليين قليل جدا … والناس اللي عايشه في الجزر دي رايقيين فوق الوصف (( جيلي ايلاند / لومبوك / اندونيسيا )) هنقل ليكم خبرتي في 3 شهور عيشت فيهم في 3 جزر دول ..واللي مهتم بالغطس / الفري دايفينج / السنوركلينج هيستمتع جدا …نخوش في تفاصيل المعيشه وكيفيه الوصول للجزر باقل التكاليف .. والاكل .. وايجار الدراجه العاديه لانها هي الوسيله الوحيده للتنقل .. وانت اصلا ممكن تمشي علي رجلك مع حد من صحابك تخلصها كلها ف ساعه ? وفيها طبعا ركوب خيل / حانطور ? ركوب الخيل جوه الميه كمان ???
اولا / انك تبقي موجود في جزيره بالي اندونيسيا …وتركب من ميناء اسمه (( Padangbai ))
مركب بحوالي خمسين جنيه !!! علشان توصل لجزيره لومبوك
اللي فيها gili island … طبعا التلات جزر الصغيرين دول
فيهم كل مستويات الاقامه (( فندق خمس نجوم / فنادق مستويات اقل !! طبعا ده مش موضوعنا احنا هنقعد في هوستل ب 50 جنيه في الليله .. علشان تقابل ناس من كل بلد في العالم .. تفطروا مع بعض الصبح .. وتتحركوا علي الشاطي للسنوركلينج .. في منطقه مخصوصه للسلاحف اسمها ((Point Turtle ))
مش هقدر اوصفلك انت حرفيا بتعيش معاهم عدد كتير وتقدر تشوفهم عن قرب .. خلصت السنوركلينج بتاعك وشربت جوز الهند الجميل ابو 15 جنيه ? تطلع تتغدي …الاكل في اندونيسيا عموما رخيص جدا وكميات حلوه ..تتراوح الوجبه 30 جنيه ? رجعت الهوستل ابو 50 جنيه اخد الدوش المتين ? علشان تشوف sunset من اروع المناظر الطبيعيه اللي ممكن تشوفها .. بعدها تجهز نفسك ل night life .. Live music …موجودين في كل المطاعم تقريبا ناس بتغني ومبسوطه في كل مكان ..واماكن كتير جدا … ومفيش اوبشن entrance كمان ? كله ببلاش
ازاي تتنقل من جزيره ل جزيره علشان هما 3 جزر .. بتركب مركب صغير مع اي شاب اندونيسي جميل ? تديلوه 40 جنيه بكل بساطه وسهوله ينقلك الجزيره التانيه … تعيش تجربه تانيه ومختلفه عن الجزيره اللي قبلها بعيدا عن التلوث ..وصوت الموتوسيكل ? هدوء وبس ❤?
(( اسماء 3 جزر / gili trawangan / gili meno /gili air )) وكلمه جيلي بالاندونيسي معناها جزيره .. اسيبكم شويه مع صور gili island

قبل ما تتفرج علي الصور بنرشحلك المكان ده
السياحة في جزيرة بالي اندونيسيا بالصور

ازاي تعيش في 3 جزر في اندونيسيا باقل التكاليف
ازاي تعيش في 3 جزر في اندونيسيا باقل التكاليف
ازاي تعيش في 3 جزر في اندونيسيا باقل التكاليف

Leave a Reply

Your email address will not be published. Required fields are marked *