تقرير رحلتي الى الامارات

تقرير رحلتي الى الامارات

رحله الي الامارات العربيه
اولا برنامج الرحله :
اول يوم : نزلت علي مطار ابو ظبي اشتريت كارت المواصلات “حافلات” ب 20 درهم من المطار لانك مش هاتعرف تتحرك في ابو ظبي او دبي من غير كارت مواصلات .
وصلت الفندق ريحت شويه وبعدها نزلت اعمل جوله في المدينه
فيه مول ابو ظبي لو ليك في الشوبينج

تاني يوم : رحت علي متحف اللوفر
كواحد بيحب الفن والتاريخ قعدت فيه اكتر من 6 ساعات بين صالات المتحف المختلفه .
اول ماتبدا الرحله هاتدخل علي museum galleries الي متقسمه اربع اجنحه كل جناح متقسم 3 او اربع اقسام
المهم كل جناح وقسم بيحكي جزء من تاريخ البشريه وتطورها بالتسلسل من مرحله ماقبل التاريخ لحد الوقت المعاصر وكمان علاقه الاديان ببعض وعلاقه الشعوب ببعض

ملحوظه : لو حابب تستفيد في المتحف هات ال multimedia guide ب 20 درهم من مكتب جنب مكتب التذاكر وكمان اشتري التذكره اونلاين علشان الزحمه

ثالت يوم : رحت علي محطه Abu Dhabi central bus station علشان اخد الباص لدبي . اشتريت بطاقه مواصلات دبي اسمها ” نول” ب 35 درهم
من الحاجات الي ملحقتش اشوفها في ابو ظبي :
مسجد الشيخ زايد الكبير تالت اكبر مسجد بالعالم
مدينه Ferrari world ?
وصلت دبي بعد ساعتين الاربع تقريبا علي محطه ابن بطوطه (الي فيها مول ابن بطوطه برضه لو حابب شويه شوبينج )

ومنها علي الهوستيل
المهم حصل مشكله في حجز الهوستيل ضيعت لي اليوم كله للاسف ?

تاني يوم :
من الصبح علي برج خليفه ودبي مول الي جنب بعض
في دبي مول ممكن تدخل ال Dubai aquarium ممتعه جدا بس انا مدخلتهاش لاني كنت ناوي اروح علي the lost chamber aquarium ودا برضه محصلش لضيق الوقت ?

بعد لف شويتين في دبي مول رحت علي miracle garden ودي من الحاجات التحفه الي لازم تتراح ماينفعش تفوتها وخصوصا لو معاك اسرة هاتكون المتعه اكبر

اليوم الاخير:
عملت checkout في السريع وسبت الشنط في الريسبشن وعلي طول علي global village
ال global village دي بقي ماتتسابش ولو مش هاتروح غيرها في دبي تبقي كفايه
روعه جدا وجميله جدا مهما قلت عليها مش هاقدر اوصف قعدت فيها من الساعه 4 موعد الافتتاح لحد الساعه 7 لو مكنش عندي طيران في نفس اليوم كنت قعد للساعه 12

متقسمه اجنحه كل جناح فيه دوله بتعرض ثقافتها بطريقه جميله (مش فاكر عدد الدول بس اكتر من 50 دوله) كل ماهاتدخل دوله هاتحس انك عايش في البلد دي
هاتخش كل دوله هتاكل اكلاتها وهاتستمتع بالعروض الترفيهية بتاعتها، كمان هاتقدر تتسوّق وتشتري هدايا ولبس بتاعهم .

كمان فيه مدينه ترفيهيه صغيره للاطفال
عجبني جناح ايران والمغرب جدا وجناح الهند اكبر جناح في القريه ومالحقتش اشوف كتير من الاجنحه للاسف

من الحاجات الي ملحقتش اشوفها في دبي :
The lost chamber aquarium
Dubai Frame

(ثانيا) الملاحظات :
-المواصلات صعبه شويه في ابو ظبي وخصوصا ان مفيش مترو زي دبي !
-ماتسالش اي سواق باص عن اي اتجاه او اي مكان لانه غالبا مش هايبقي عارف او هايتوهك خلي معاك علي طول ابلكيشن المواصلات زي google map او moovit او rome2rio

-المواصلات الطف كتير وخصوصا بوجود المترو وكمان الباصات الي بتوصلك لاي مكان سياحي زي القريه العالميه و miracle garden

-الانترنت في اغلب المولات والاماكن السياحيه في دبي وابو ظبي مجاني بس هاتحتاج رقم اماراتي زي اتصالات او du علشان ت access علي free WiFi

-ماتفكرش تاخد تاكسي او اوبر اوكريم الا لو اتزنقت جامد لانك حقيقي هاتزعل

-لو هاتشتري هدايا وتذكارات خليها من القريه العالميه الاول لان اسعارهم اقل كتير من المحلات في المولات يعني مثلا جناح الامارات بيبيع تذكارات وهداياعن الامارات وجناح الصين بره كدا وهكذا لو مالقتش ابقي اشتري من اي محل تاني

-في دبي في كل محطات المترو ممكن تشحن بطاقه نول بس مش في كل محطات الباص بعكس ابو ظبي الي ممكن تشحن البطاقه من اي محطه باص .

(ثالثا) الابلكيشن المهمه الي استخدمتها :
ابلكيشن visit a city : علشان ترتيب الاماكن السياحيه
ابلكيشن google map و rome2rio : للتنقلات
ابلكيشن trabeepocket : علشان تسجيل نفقات ومصاريف كل يوم لو حبابب
ابلكيشن tripit : علشان تنظيم جدول الرحله ككل
ابلكيشن xe :تغيير عملات

قبل ما تتفرج علي الصور بنرشحلك المكان ده
ازاى تسافر المالديف سريلانكا ودبي بتذكرة واحدة

تقرير رحلتي الى الامارات
تقرير رحلتي الى الامارات
تقرير رحلتي الى الامارات
تقرير رحلتي الى الامارات
تقرير رحلتي الى الامارات
وسم : / /

Leave a Reply

Your email address will not be published. Required fields are marked *