ازاى تسافر المالديف سريلانكا ودبي بتذكرة واحدة

ازاى تسافر المالديف سريلانكا ودبي بتذكرة واحدة

سافرنا المالديف..سيريلانكا ودبي ..
بتذكرة واحدة ب ٨٥٠٠ ج
١٧ يوم سفر ، في ٣ دول مختلفة ، ٥ طائرات بتذكرة واحدة حجزنها على الإماراتية …
وفي كمان تذاكر اقل بتبدأ ب ٧٥٠٠ ج
حجزنا من القاهرة لسريلانكا !!
ولاقيت في ٢ ترانزيت ..دبي والمالديف
طب قولت لو قعدنا في المالديف ٣ أيام هتبقى بكام ؟!
لاقتها زادت ٤٠٠ ج ..فطبعا زودتها وطولت فترة الترانزيت في دبي ل ٢٤ ساعه …

مع إن الطيران للمالديف والرجوع منها أغلى من اني لو روحت على سيريلانكا ونزلت ترانزيت المالديف ..تخيلو !!
لفينا في ١٧ يوم ١٣ مدينة
ركبنا كل أنواع المواصلات تقريبا من لانشات في البحر لتكاتك لقطارات لاتوبيسات عامه

حجزنا قبلها بيوم وسافرنا على طول ، من غير اي ترتيبات ولا حجوزات ،
قدمت اونلاين على فيزا سيريلانكا وطلعت في ٢٤ ساعه والاطفال مافيش رسوم على ال فيزا
وفي دبي بتطلع في المطار ب ١٠ دولار لمدة يومين
والمالديف الفيزا ببلاش للمصريين لمده ٣٠ يوم

حبينا نخوض التجربة بكل مخاطرها ، هنتعلم ايه من تجربتنا والسفر والناس اللي هنقابلهم

عملنا رافتنج في النهر
عومنا مع القروش الصغيرة
شوفنا انًواع سمك غريبة وعجيبه تحت المياة اللي منها بيدافع عن نفسه بان لو حد قربله بيبعت شحنتت كهربا بتوصل ل ٢٠٠ فولت
نزلنا مزارع الشاي وقطفنا شاي من أشجار الشاي وعرفنا انواع الشاي وطرق تصنيعه
زورنا مصانع الخشب وازاي بيلونوه بألوان طبيعيه من بيئتهم
شوفنا الأفيال في بيئتها الطبيعية وماحدش يقدر يقرب منها وشوفناها بردوه بعد تعذيب الإنسان ليها عشان يعرف يسيطر عليها
زورنا جزر مافهاش بوليس ولافيها مستشفيات وناس عايشه على فطرتها
شوفنا التماسيح وانواع الطيور المختلفة والطيور اللي بتنظف التمساح

قابلنا في رحلتنا تقريباً اكتر من ٢٠ جنسيه مختلفه .
اتعلمنا عن الأديان المختلفة والعادات والتقاليد
اتعلمنا احترام مشاعر بعض واحتياجات بعض واننا مع بعض عشان نساعد بعض كل واحد يبقى مبسوط ..مش لازم طول الوقت على نفس الطاقه ونفس الروح ونفس الحاجات اللي عاوزينها وقعنا في مشاكل كتير ..وبقينا نتعلم ازاي نحلها
ازاي نضبط الميزانية ونعيش على قد احتياجتنا الأساسية .
اتعلمنا نعمل surfing
عومنا في الشلالات واتعلمنا عن الأنهار والفرق بينها وبين البحر
وليه الانسان مايقدرش يشرب مياه البحر ونعمل ايه لو اتحبسنا في جزيرة ومافهاش مياه

سافرنا بتوكتوك وقطر وباص وشلتا الشنط ونزلنا وغيرنا باصات في مواقف عامه في اماكن ما نعرفهاش

كل ده كان في ١٧ يوم ..١٧ يوم سفر ..١٧ يوم مغامرة ..١٧ يوم تعلم..١٧ يوم اكتشاف ..

ازاى تسافر المالديف سريلانكا ودبي بتذكرة واحدة
ازاى تسافر المالديف سريلانكا ودبي بتذكرة واحدة
ازاى تسافر المالديف سريلانكا ودبي بتذكرة واحدة
ازاى تسافر المالديف سريلانكا ودبي بتذكرة واحدة
ازاى تسافر المالديف سريلانكا ودبي بتذكرة واحدة
وسم : / /

Leave a Reply

Your email address will not be published. Required fields are marked *