المغامرة دي بتبدأ من الساعة 5 الفجر تقريبا وبتكون تكلفتها حوالى 2000 جنيه وخصوصا في المواسم زي اجازة نص السنه
وفي اسعار بتبدأ من 1000 الى 1500 للفرد وبتختلف على حسب شكل وحجم البالون، و بيكفي حتى 30 فرد
طبعا لازم تحصن نفسك كويس من البرد وتعمل حسابك فى حاجة تقيلة على أيدك لانك هتطير فوق السحاب ل1500 قدم تقريبا
الأقصر.. البالون ? صور من صورنا في شهر العسل اللي هو كان من شهرين? اه احنا لسه عرسان جُداد ☺️?? الأقصر كانت محطة من محطاتنا في شهر العسل اللي قضناه كله في مصر وخدنا القرار ده سوا انا وأحمد ان احنا نقضي شهر العسل في مصر ومش في اوروبا ولا في اي حتة في العالم… ليه في مصر عشان مصر حلوة.. حلوة قوي يا عصام وفيها أماكن حلوة جدا جدا ?
طيب ليه الاقصر… وتحديدا ليه البالون في الاقصر
عشان البالون في الاقصر بيخليك تشوف 3 حاجات في نفس الوقت وانت طاير فوق في السما بتشوف صحرا… خضرة… نيل وطبعا في شمس وديه تلات حاجات مش هتشوفهم كلهم مع بعض لو ركبت البالون في اي حتة في العالم
بتشوف كمان اهل الاقصر وهما بيمارسوا يومهم طبيعي جدا بيزرعوا أراضيهم ويرعوا الأراضي والستات وهم بيخبزوا فوق سطوح البيوت ويأكلوا الفراخ والبط والوز والبالونز طايرة فوقيهم وهم متعايشين عادي جدا…. وكمان بتشوف المعابد الأثرية كلها من فوق وادي الملوك بقي وحتشبسوت والأقصر والكرنك وتمثالين ممنون كمان
البالون موجود في عشر أماكن بس في العالم أهمهم الاقصر ? ليه أهمهم عشان الأسباب اللي قلناها فوق مصر حلوة… حلوة جدا احنا اللي محتاجين نسافر ونلف فيها عشان نشوف حلاوتها ديه ❤️
قبل ما تتفرج علي الصور بنرشحلك المكان ده
افضل الاماكن فى اسوان خلال يومين
