Walk of cairo
مكان فى الشيخ زايد بس ايه
بينقلك لحته تانية خالص وعامل شجرة الكريسماس انك تتصور جواها كمان مش جنبها وبس
بتنسى أنك فى مصر من الاساس من التمشيه والموسيقى اللى شغاله حواليك و الجو اليومين فى زايد و أكتوبر سقعه شويتين تلاته فتقلوا فى لبسكم شوية
‏‎ ده غير انك هتتصور شوية صور profile picture هتحتار فيهم
‏‎العنوان : عند كمبوند بيفرلى هيلز

Arkan plaza
الحاجات المبهجة الحلوة دى مبتتكررش كتير
أركان بلازا بيتألق زى ما انتم شايفين كدة فى الصور وعاملين ديكورات للربيع وهمية
بمجرد دخولك للمكان لازم هتبتهج وتترسم على وشك أبتسامة راحة
ممكن تروحوه وتتمشوا عادى وتتصورا
أركان بلازا فى الشيخ زايد مكان مستحيل تقعد فى مرة ومترحش تانى مرتين تلاته فى نفس الشهر من جمالة وشياكتة
المطاعم والكافيهات اللى موجودة فيه شيك جدا وتعتبر نسبيا غالية شويتين يعنى لو عاوز تخرج مراتك اوخطيبتك فى مكان متنساهوش يبقى هو المكان ده
العنوان بالظبط كدة فى مدخل زايد ٢٠٠٠ بعد هايبر وان

hy deout
هايد اوت التجمع الخامس جوله تصوير وجو اوربي وحاجه مختلفه تماما

Pavilion Park
زايد تتألق من جديد
الدخول مجانا بدون تذكرة او حجز
واحلى حاجة ان المول فيه كل انواع المطاعم من اول الفول والطعمية لحد المشويات والتمشية مع توزيعة السماعات والصوت اللى مش عارف جاى منين والاعانى والموسيقى اللى كلها بهجة
الصور دي من زايد عاصمة السعادة و تحديداً في Pavilion Park
الخروجة دي مش محتاجة فلوس كتير .. دي محتاجة ناس بتحب الفرحة و بتحب تنبسط
روح خدلك جرعة سعادة و اتصور مع برج الهدايا و الغزالة و التنين المجنح 🐉بالليل الاضاءة في الممر شكلها بيبقى مبهج و حلو اوي في الصور
المول مساحته كبيرة و فيه مطاعم و كافيهات كتير تقعد فيها وتنبسط و كمان و Kids area
وفى كمان عجل وعربيات للاطفال
و عاملين باركينج كبير للعربيات، ممكن تركن فيه عربيتك اي مدة ب ١٠ جنيه
رقمهم
01050000600
العنوان ((Pavilion park))
وصلة دهشور، الشيخ زايد – بين مدخل زايد ٣ و زايد ٤

Rafale Food Court
الناس اللي زعلانة إن تريند زينة راس السنة كله في زايد .. جيبنالكم الزينة كلها في قلب مصر الجديدة
الدخول مجانا و بدون تذاكر و من غير حجز
مفيش اقرب من كدة ✋😄 مش فاضل بقى غير إن الزينة تجيلك في البيت دليڤري
فاكرين المول بتاع الشماسي ☂️☂️ دلوقتي ((مول رافال Rafale Mall)) عمل زينة راس السنة
ناس كتير متعرفش إن المول فيه جزء كبير غير اللي على الشارع دا بقى اللي فيه كادرات تصوير ببلاش 📷 و في كمان شاشة عملاقة بيعرضوا عليها ماتشات الكورة ⚽ فا تبقى قاعد في اي مطعم او كافيه بتتفرج كإنك في الاستاد
و في كمان مراجيح و قعدة قصاد النافورة ⛲ و الزينة حواليك في كل مكان
الكافيهات و المطاعم كتير و اسعارهم كويسة، و اكيد هتلاقي اللي يناسب ذوقك “شرقي، غربي، اسيوي”و كمان في كيدز اريا عشان الاطفال يلعبوا و ينبسطوا لو هتروح بالعربية هتلاقي جراچ كبير تركن فيه براحتك
و المترو كمان قريب جدا “3 دقايق مشي” من محطة كلية البنات
العنوان
شارع احمد تيسيير، مصر الجديدة اقرب محطة مترو كلية البنات